Se Idin̄wamde Fi Ekpep Ikọ Abasi
Ndi esinem fi ndikot mbụk eyouwem nditọete?
Ebe ye n̄wan emi ẹsikotde mbụk eyouwem nditọete nnyịn kpukpru usenubọk ẹdọhọ ẹte: “Mbụk oro ẹsinem nnyịn ẹnyụn̄ ẹsọn̄ọ nnyịn idem! Mmọ ẹnam ikụt ke nnyịn n̄ko imekeme ndisọn̄ọ nda nnam n̄kpọ Abasi ọkpọkọm edi didie.” Sista kiet emi onyụn̄ etiede enye ntre ke idem ekewet ete: “Mbụk eyouwem nditọete ẹsidọn̄ mi esịt, ẹnam ọdọn̄ mi ndinam nti n̄kpọ, ẹnyụn̄ ẹnem mi. Uwem nditọete nnyịn enyene ibuot, mmọ ẹnyụn̄ ẹda uwem mmọ ẹnam nti n̄kpọ. Mbụk mmọ anam ntetịm nsịn idem n̄kwọrọ ikọ, onyụn̄ anam n̄n̄wam nditọ mi ẹda uwem mmọ ẹnam utom ofụri ini ẹnọ Abasi.”
Mbụk eyouwem nditọete ẹkeme ndinam etetịm ọdọn̄ fi ndinam n̄kpọ Abasi, etre ndiọi n̄kpọ emi ẹsọn̄de fi nditre, ọyọ ikpọ mfịna emi enyenede uko uko, onyụn̄ okop idatesịt. M̀mọ̀n̄ ke ekeme ndikụt mme mbụk emi?
Ke jw.org m̀mê ke JW Library®, edikụt mmọ ke “Mbụk Eyouwem Mme Ntiense Jehovah.”
Ke Watchtower LIBRARY EKE INTANET m̀mê ke Watchtower Library, edikụt mmọ ke “Mbụk Eyouwem Mme Ntiense Jehovah.”