Edifak Nsio ke Egypt tutu Osịm Akpa Edidem Israel

Moses akada nditọ Israel usụn̄ osio ke ufụn Egypt osịm Obot Sinai, ebiet oro Abasi ọkọnọde mmọ mme ibet esie. Ekem, Moses ọkọdọn̄ mme owo 12 ẹkeyep isọn̄ Canaan. Edi 10 ke otu mmọ ẹma enyọn̄ edi ye idiọk mbụk. Mmọ ẹma ẹnam mme owo ẹyom ndifiak nnyọn̄ Egypt. Ke ntak unana mbuọtidem mmọ, Abasi ama ọnọ nditọ Israel ufen ke ndinam mmọ ẹyo isua 40 ke wilderness.

Ke akpatre, ẹma ẹmek Joshua ndida nditọ Israel usụn̄ ndụk ke isọn̄ Canaan. Man an̄wam mmọ ndida isọn̄ oro, Jehovah ama anam mme utịbe n̄kpọ. Enye ama anam Akpa Jordan etre ndifehe, mme ibibene Jericho ẹduọn̄ọ ke isọn̄, ye utịn ndituak nda ke ofụri usen kiet. Ke isua itiokiet ama ekebe, ẹma ẹbọ isọn̄ ke ubọk nditọ Canaan.

Ọtọn̄ọde ye Joshua, mme ebiereikpe ẹkekara Israel ke isua 356. Nnyịn iyekpep iban̄a ediwak mmọ, ye Barak, Gideon, Jephthah, Samson ye Samuel. Nnyịn iyenyụn̄ ikot iban̄a utọ iban oro nte Rahab, Deborah, Jael, Ruth, Naomi ye Delilah. Ke ofụri ofụri, Ikpehe ITA esine isua mbụk 396.