Ibuot 27

Edikot Matthew

IBỊGHIKE ke ama akanam owo akpauben̄ oro okop nsọn̄idem, Jesus ọkpọn̄ Capernaum aka Inyan̄ Galilee. Otuowo ẹnyụn̄ ẹtọn̄ọ ntak ẹdi ẹbịne enye, ndien enye ọtọn̄ọ ndikpep mmọ n̄kpọ. Nte enye asan̄ade aka iso, enye okụt Matthew, emi n̄ko ẹkotde Levi, etiede ke itie ubọ utomo. Jesus ọnọ enye ikot ete, “Tiene Mi.”

Eyedi Matthew akam ememehe ye mme ukpepn̄kpọ Jesus, kpa nte Peter, Andrew, James, ye John ẹkemehede ke ini ẹkekotde mmọ. Ndien ukem nte mmọ, Matthew ọsọsọp eyere ikot emi. Enye adaha ke enyọn̄, ọkpọn̄ utom esie nte ọbọ a-tax, onyụn̄ etiene Jesus.

Ke ukperedem, iso-ọfọn ke ndidara edinyịme ikot esie, Matthew onịm akamba usọrọ ke ufọk esie. Adianade ye Jesus ye mme mbet Esie, n̄kani ufan Matthew ẹdu n̄ko. Ekemmọ mme Jew ke ofụri ofụri ẹsise irenowo ẹmi ke ndek koro mmọ ẹsibọde utomo ẹnọ ukara Rome emi ẹsuade-sua. Akande oro, mmọ ẹsiwak ndibian̄a mme owo mbọ ediwak okụk n̄kan nnennen okụk tax oro ẹsibọde.

Ke ẹkụtde nte Jesus etiede ye mme utọ owo ẹmi ke usọrọ oro, mme Pharisee ẹbụp mme mbet esie ẹte: “Nsinam Andikpep mbufo adiade n̄kpọ ye mme publican ye mme idiọkowo?” Ke okopde mbụme emi, Jesus ọbọrọ mme Pharisee ete: “Mmọemi ẹnyenede nsọn̄idem iyomke abiaibọk, edi mmọemi ẹdọn̄ọde ẹyom. Edi ẹka ẹkekpep se ikọ emi ọwọrọde, Edi mbọm ke nyom idịghe uwa. Koro n̄kedịghe ndikot ndinen owo, edi mme idiọkowo.”

Nte an̄wan̄ade, edi Matthew okokot mme ọbọ utomo ẹmi aka ufọk esie man mmọ ẹkeme ndikpan̄ utọn̄ nnọ Jesus nnyụn̄ mbọ ukọk udọn̄ọ eke spirit. Ntre Jesus abuana ye mmọ man an̄wam mmọ ẹnyene eti itie ebuana ye Abasi. Jesus isehe utọ mmọemi ke ndek, nte mme Pharisee ẹmi ẹbatde idem ke edinen ẹsede. Utu ke oro, ke okopde mbọm enye, ke akpanikọ, anam n̄kpọ nte ọkọk udọn̄ọ eke spirit ọnọ mmọ.

Ntem Jesus ndiwụt mme anam idiọk mbọm idịghe edinyịme mme idiọkn̄kpọ mmọ, edi, edi ediwụt ukem mbọm oro enye okowụtde mmọemi ẹkedọn̄ọde ke ikpọkidem. Ke uwụtn̄kpọ, ti ini oro enye, ke mbọm, akanyanarede ubọk otụk owo akpamfia oro onyụn̄ ọdọhọde ete: “Mmonyịme, sana.” Nnyịn nde ikpakam ikop mbọm ke ndin̄wam mbon unana, akpan akpan in̄wamde mmọ ke usụn̄ eke spirit. Matthew 8:3; 9:​9-13; Mark 2:​13-17; Luke 5:​27-32.

▪ Matthew odu m̀mọ̀n̄ ke ini Jesus okụtde enye?

▪ Nso idi ubọkutom Matthew, ndien ntak emi mme Jew eken ẹsisede mme utọ owo ẹmi ke ndek-e?

▪ Nso edori ikọ ke ẹtịn̄ ke ẹban̄a Jesus, ndien didie ke enye ọbọrọ?

▪ Ntak emi Jesus abuanade ye mme idiọkowo-o?