Mme Obio Ukara Ẹda En̄wan Ẹdụk Isọn̄ Un̄wọn̄ọ
ASSYRIA ama akan Samaria, kpa ibuot obio ubọn̄ edem edere Israel, ke 740 M.E.N. Ntem nditọ Israel ẹma ẹdidu ke idak ibak ibak obio ukara. Assyria okodu ke utịt utịt edem edere Unaisọn̄ Mesopotamia, ekpere Tigris, kiet ke otu ikpọ akpa mmọn̄ Ọsọbọ Ọsọbọ Eti Isọn̄. Nimrod akasiak ikpọ obio Assyria, kpa Nineveh ye Calah. (Ge 10:8-12) Ke eyo Shalmaneser III, Assyria ama atara esịm n̄kan̄ edem usoputịn, kpa ikpehe Syria ye edem edere Israel oro mmọn̄ awakde onyụn̄ on̄wụmde mbun̄wụm.
Ke idak ukara Edidem Tiglath-pileser III (Pul), oro ẹsiakde enyịn̄ ke Bible, Assyria ama ọtọn̄ọ ndifịk Israel. Enye ama ada ekọn̄ odụk Judah n̄ko emi okodude ke edem usụk. (2Nd 15:19; 16:5-18) Nte ini akakade, akamba “mmọn̄” Assyria ama ọtọ odụk Judah, ke akpatre esịmde ibuot obio esie, Jerusalem.—Isa 8:5-8.
Edidem Sennacherib eke Assyria ama ada ekọn̄ odụk Judah ke 732 M.E.N. (2Nd 18:13, 14) Enye ama akan onyụn̄ obụme obio Judah 46, esịnede Lachish, emi odude ke ufọt obio Shephelah. Nte n̄wed ndise obio emi owụtde, mbonekọn̄ esie ẹma ẹsan̄a ẹdụk ufọt edem usụk ye edem usoputịn Jerusalem, ke ntem ẹkande ibuot obio Judah ẹkụk. Ke n̄wetnnịm n̄kpọ esie, Sennacherib ama anam inua nte imọ ikọkọbide Hezekiah item “nte inuen emi ẹsịnde ke ikari,” edi mme n̄wetnnịm n̄kpọ Assyria ẹsịn nditịn̄ mban̄a mbonekọn̄ Sennacherib oro angel Abasi okowotde.—2Nd 18:17-36; 19:35-37.
Obio Ukara Assyria ke akasan̄a ekpere utịt. Mbon Media emi ẹkedụn̄ọde ke n̄kpotụk n̄kpotụk unaisọn̄ enyọn̄ obot oro edide Iran idahaemi, ẹma ẹtọn̄ọ ekọn̄ ye udịmekọn̄ Assyria oro okosụhọde. Emi ama ọwọn̄ọde ntịn̄enyịn Assyria ọkpọn̄ mme mbahade obio ukara esie eke n̄kan̄ edem usoputịn, oro ẹketọn̄ọde nsọn̄ibuot n̄ko. Kan̄a ke emi, Babylon ama etetịm okop odudu, idem akande obio Asshur ke ekọn̄. Ke 632 M.E.N., mbuaha udịmekọn̄ Babylon, Media, ye Scythia, kpa mme ama ekọn̄ ẹtode edem edere Obubịt Inyan̄ ẹma ẹkan ẹnyụn̄ ẹsobo Nineveh, “obio afai.” Emi ama osu ntịn̄nnịm ikọ Nahum ye Zephaniah.—Na 3:1; Zep 2:13.
Ke akpatre ẹma ẹkan Assyria ke Haran. Ke ọkpọsọn̄ udịmekọn̄ Babylon ama ọkọtọn̄ọ en̄wan, mbon Assyria ẹma ẹdomo ndibiọn̄ọ mmọ tutu mme andin̄wam ẹto Egypt ẹdisịm. Edi nte Pharaoh Necho akakade edem edere, udịmekọn̄ Edidem Josiah eke Judah ama ọbiọn̄ọ enye ke Megiddo. (2Ch 35:20) N̄kpọ ama ababiara aka anyan ke ini Necho ekedide edisịm Haran—ẹma ẹkan Obio Ukara Assyria.
Obio Ukara Babylon
Ewe obio esidụk fi ekikere ke ini okopde ikọ oro “mme in̄wan̄ ufụmenyọn̄”? Babylon, kpa ibuot ukara ererimbot oro ẹkotde Babylon, emi ẹwụtde ke ntịn̄nnịm ikọ nte lion emi enyenede mba. (Da 7:4) Ẹkenen̄ede ẹdiọn̄ọ obio oro ke ntak uforo, unyamurua, ye n̄kọri ke ido ukpono ye edisiak ntantaọfiọn̄. Obio ukara oro okodu ke okpụk okpụk unaisọn̄ edem usụk Mesopotamia, emi odude ke ufọt akpa Tigris ye Euphrates. Obio oro akatian̄ade ada ke Euphrates, ndien ibibene esie ama anam etie nte owo ikemeke ndikan enye.
Mbon Babylon ẹma ẹnyene usụn̄ mbonurua, oro ekebede ke desat edem edere Arabia. Ama odu ini oro Edidem Nabonidus okodụn̄de ke Tema, ayakde Belshazzar akara ke Babylon.
Babylon ama ada ekọn̄ odụk Canaan utịm ikata. Ke Nebuchadnezzar ama akakan mbon Egypt ke Carchemish ke 625 M.E.N., mbon Babylon ẹma ẹsan̄a edem usụk ẹdụk Hamath, emi mmọ ẹkefiakde ẹkan mbon Egypt emi ẹkefen̄ede. Ekem mbon Babylon ẹma ẹsan̄a ẹsụhọde mbenesụk Akpa Egypt, ẹsobode Ashkelon nte ẹsan̄ade ẹbe. (2Nd 24:7; Jer 47:5-7) Ke ini ekọn̄ emi, Judah ama edidu ke idak Babylon.—2Nd 24:1.
Edidem Jehoiakim eke Judah ama ọsọn̄ ibuot ke 618 M.E.N. Do, Babylon ama ọdọn̄ udịmekọn̄ mme idụt oro ẹkedude ẹkpere ẹken̄wana ye Judah, ndien mbonekọn̄ Babylon ẹma ẹkan Jerusalem ẹkụk ẹnyụn̄ ẹkan enye. Esisịt ini ke oro ebede, Edidem Zedekiah ama anam obio ubọn̄ esie odụk ediomi ye Egypt, ndien emi ama anam mbon Babylon ẹnen̄ede ẹyat esịt ye Judah. Mmọ ẹma ẹfiak ẹda ekọn̄ ẹdụk ẹnyụn̄ ẹtọn̄ọ ndisobo mme obio Judah. (Jer 34:7) Ke akpatre, Nebuchadnezzar ama ọwọn̄ọde udịmekọn̄ esie ese Jerusalem, onyụn̄ akan enye ke 607 M.E.N.—2Ch 36:17-21; Jer 39:10.
[Ekebe ke page 23]
MME N̄WED BIBLE ỌTỌN̄ỌDE KE INI EMI
Hosea
Isaiah
Micah
Mme N̄ke (ubak)
Zephaniah
Nahum
Habakkuk
Eseme
Obadiah
Ezekiel
1 ye 2 Ndidem
Jeremiah
[Ndise obio ke page 23]
(Ama oyom ndikụt nte enye enen̄erede etie, se n̄wed)
Obio Ukara Babylon/Obio Ukara Assyria
Obio Ukara Assyria
B4 Memphis (Noph)
B4 Zoan
B5 EGYPT
C2 CYPRUS (KITTIM)
C3 Sidon
C3 Tyre
C3 Megiddo
C3 Samaria
C4 Jerusalem
C4 Ashkelon
C4 Lachish
D2 Haran
D2 Carchemish
D2 Arpad
D2 Hamath
D3 Riblah
D3 SYRIA
D3 Damascus
E2 Gozan
E2 MESOPOTAMIA
F2 MINNI
F2 ASSYRIA
F2 Khorsabad
F2 Nineveh
F2 Calah
F2 Asshur
F3 BABYLONIA
F3 Babylon
F4 CHALDEA
F4 Erech
F4 Ur
G3 Shushan
G4 ELAM
Obio Ukara Babylon
C3 Sidon
C3 Tyre
C3 Megiddo
C3 Samaria
C4 Jerusalem
C4 Ashkelon
C4 Lachish
D2 Haran
D2 Carchemish
D2 Arpad
D2 Hamath
D3 Riblah
D3 SYRIA
D3 Damascus
D5 Tema
E2 Gozan
E2 MESOPOTAMIA
E4 ARABIA
F2 MINNI
F2 ASSYRIA
F2 Khorsabad
F2 Nineveh
F2 Calah
F2 Asshur
F3 BABYLONIA
F3 Babylon
F4 CHALDEA
F4 Erech
F4 Ur
G3 Shushan
G4 ELAM
[Mme ebiet en̄wen]
G2 MEDIA
Mme Ọkpọusụn̄ (Se n̄wed)
[Mme akpammọn̄]
B3 Inyan̄ Mediterranean (Akwa Inyan̄)
C5 Ididuot Inyan̄
H1 Inyan̄ Caspia
H5 Itụn̄ Inyan̄ibom Persia
[Mme akpa]
B5 Nile
E2 Euphrates
F3 Tigris
[Ndise ke page 22]
Ibombom Lachish
[Ndise ke page 22]
Mbiet Megiddo eset
[Ndise ke page 23]
Ndise owụtde nte in̄wan̄ ufụmenyọn̄ Babylon eketiede