Watchtower LIBRARY EKE INTANET
Watchtower
LIBRARY EKE INTANET
Efịk
Ẹ,Ê,Ị,Ọ,Ụ,Û,N̄
  • Ẹ
  • ẹ
  • Ê
  • ê
  • Ị
  • ị
  • Ọ
  • ọ
  • Ụ
  • ụ
  • Û
  • û
  • N̄
  • n̄
  • BIBLE
  • MME N̄WED
  • MBONO ESOP
  • lfb ukpepn̄kpọ 71 p. 168-p. 169 ikp. 1
  • Jehovah Ama Ekpeme Jesus

Vidio ndomokiet idụhe mi.

Kûyat esịt, n̄kpọ anam vidio emi okûbre.

  • Jehovah Ama Ekpeme Jesus
  • Kpep N̄kpọ to Mbụk Bible
  • Ukem Ibuot Nneme
  • Ntantaọfiọn̄ Ada Mme Owo Usụn̄
    N̄wed Mi eke Mme Mbụk Bible
  • Ẹbọhọ Idiọk Andikara
    Akakan Owo Oro Akanam Odude Uwem
  • Mmọ Ẹbọhọ Idiọk Andikara
    Jesus Edi Usụn̄ ye Akpanikọ ye Uwem
  • Jesus ye Mme Ọfiọkn̄kpọ Owo
    Akakan Owo Oro Akanam Odude Uwem
Se En̄wen En̄wen
Kpep N̄kpọ to Mbụk Bible
lfb ukpepn̄kpọ 71 p. 168-p. 169 ikp. 1
Mary akama Jesus odoro ke enyọn̄ enan̄, Joseph onyụn̄ asan̄a ye mmọ

UKPEPN̄KPỌ 71

Jehovah Ama Ekpeme Jesus

Ke eyo nditọ Israel, mbon Edem Usiahautịn ẹkesinịm ke ntantaọfiọn̄ ẹkeme ndida mmimọ usụn̄. Okoneyo usen kiet, irenowo ifan̄ emi ẹtode Edem Usiahautịn ẹma ẹkụt n̄kpọ emi ebietde nyayama ntantaọfiọn̄ nte asan̄ade ke ikpaenyọn̄, mmọ ẹma ẹnyụn̄ ẹtiene ntantaọfiọn̄ oro ekesịm Jerusalem. Mmọ ẹma ẹbụp mme owo do ẹte: ‘Eyen emi edidide edidem mme Jew odu ke m̀mọ̀n̄? Idi ndituak ibuot nnọ enye.’

Ke ini Herod emi akakarade Jerusalem okopde ke obufa edidem amana, esịt ama etịmede enye etieti. Enye ama obụp mbọn̄ oku m̀mê ẹkedọhọ ke edidem emi edimana ke m̀mọ̀n̄. Mmọ ẹma ẹbọrọ ẹte: ‘Mme prọfet ẹkedọhọ ke enye edimana ke Bethlehem.’ Ntre Herod ama okot mbon Edem Usiahautịn oro, onyụn̄ ọdọhọ mmọ ete: ‘Ẹka Bethlehem ẹkeyom eyen oro, ẹma ẹkụt enye, ẹdi ẹditịn̄ ebiet emi enye odude ẹnọ mi man ntiene n̄katuak ibuot nnọ enye.’ Herod okososu!

Ntantaọfiọn̄ oro ama afiak adaha isan̄, mmọ ẹnyụn̄ ẹtiene enye tutu enye akatuak ada ke enyọn̄ ufọk kiet ke Bethlehem. Mmọ ẹma ẹdụk ufọk oro ẹkekụt Jesus ye eka esie, Mary. Mmọ ẹma ẹtuak ibuot ẹnọ eyen oro ẹnyụn̄ ẹnọ enye gold ye frankincense ye myrrh. Ndi Jehovah ọkọdọn̄ mme owo oro ẹka ẹkeyom Jesus? Ihih-o.

Jehovah ama ọdọhọ Joseph ke ndap okoneyo oro ete: ‘Herod oyom ndiwot Jesus. Men eyen oro ye n̄wan fo fehe ka Egypt, nyụn̄ dụn̄ do tutu ndọhọ fi afiak ọnyọn̄ edi.’ Joseph ikabiatke ini, enye ama emen ubon esie efehe aka Egypt.

Jehovah ama ọdọhọ mbon Edem Usiahautịn oro ẹkûfiak ẹka ebịne Herod. Ke ini Herod okụtde ke mmọ ẹbian̄a imọ, esịt ama ayat enye etieti. Sia enye mîkekemeke ndikụt Jesus, enye ama ọnọ uyo ete ẹka Bethlehem ẹkewot kpukpru n̄kpri nditọ irenowo emi ẹkedide ukem isua emana Jesus. Owo ikowotke Jesus sia ẹma emen enye efehe ẹka Egypt.

Ekem ke Herod ama akakpa, Jehovah ama ọdọhọ Joseph ete: ‘Fiak nyọn̄ Israel.’ Ntre Joseph, Mary, ye Jesus ẹma ẹfiak ẹnyọn̄ Israel ẹkedụn̄ ke Nazareth.

‘Kpasụk ntre ke ikọ mi emi ọwọrọde mi ke inua editie. Enye oyonyụn̄ okụt unen ke se ndọn̄de enye.’—Isaiah 55:11

Mbụme: Ntak emi ẹkeyomde ndiwot Jesus? Didie ke Jehovah ekekpeme Jesus?

Matthew 2:1-23; Micah 5:2

    Mme N̄wed Ikọ Efịk (1982-2025)
    Wọrọ
    Dụk
    • Efịk
    • Share
    • Mek nte amade
    • Copyright © 2025 Watch Tower Bible and Tract Society of Pennsylvania
    • Nte Ẹkpedade Ikpehe Intanet Emi Ẹnam N̄kpọ
    • Ediomi
    • Privacy Settings
    • JW.ORG
    • Dụk
    Share