Se Idikpepde ke Ikpehe 10

Jehovah edi Andikara ofụri ekondo. Akananam n̄kpọ ndomokiet isọn̄ke ikan Jehovah, idinyụn̄ isọn̄ke ikan. Ke uwụtn̄kpọ, enye ama anyan̄a Jeremiah osio ke obube emi ẹkeyomde enye esịne akpa. Enye ama anyan̄a Shadrach, Meshach, ye Abednego osio ke akwa ikan̄, onyụn̄ anyan̄a Daniel osio ke inua ekpe. Jehovah ama ekpeme Esther man enye anyan̄a nditọ Israel. Jehovah idiyakke ẹka iso ẹnam ndiọi n̄kpọ ke nsinsi. Prọfesi oro aban̄ade akwa mbiet ye enye oro aban̄ade akamba eto ẹnam inen̄ede inịm ke ibịghike Obio Ubọn̄ Abasi ayanam kpukpru ukwan̄n̄kpọ ẹtre onyụn̄ akara isọn̄ emi.