Se Idikpepde ke Ikpehe 12

Jesus ama ekpep mme owo aban̄a Obio Ubọn̄ heaven, onyụn̄ ekpep mmọ ndibọn̄ akam yak ẹnam enyịn̄ Abasi asana, Obio Ubọn̄ Abasi edi, ẹnyụn̄ ẹnam uduak Abasi mi ke isọn̄. Edieke enyenede eyen, nam enye ọdiọn̄ọ ufọn emi ididiade ẹma ẹbọrọ akam oro. Jesus ikayakke Satan anam enye ọkpọn̄ Jehovah. Jesus ama emek mme apostle. Mmọ ẹkedi akpa ke otu mbon emi ẹdikade heaven ikakara, ẹnyụn̄ ẹnyene akpan utom ndinam. Oyokụt nte Jesus ekesịnde ifịk anam n̄kpọ Abasi. Ama ọdọn̄ Jesus ndin̄wam mme owo, ntre enye ama ọkọk mme owo udọn̄ọ, ọnọ mme owo udia, onyụn̄ anam mme akpan̄kpa ẹset. Kpukpru utịben̄kpọ oro okowụt se ukara Abasi edinamde inọ mme owo.