Ẹkot Fi Edi Mbono District “Mme Ama Ubọhọ-ufụn”
TOTO ke November 1991, ẹmenam nneme aban̄ade ubọhọ-ufụn edi ọwọrọiso n̄kpọ akan nte akanam edide. Mme owo ke mme idụt Edem Usiahautịn Europe akpan akpan ẹmenyene ekese ifụre ukaraidem ẹkan nte mmọ ẹkenyenede ke isua 40 ye ke ediwak isua efen efen.
Edi odu ubọhọ-ufụn oro otịmde edi akpan n̄kpọ akan ubọhọ-ufụn ukaraidem ekededi. Nnyịn imekeme ndikot mban̄a emi ke Ikọ Abasi, kpa Bible. Jesus Christ ama etịn̄ inikiet ete: “Mbufo ẹyefiọk akpanikọ, akpanikọ eyenyụn̄ anam mbufo ẹwọrọ ufụn.” (John 8:32) Ih, ẹma ẹnam mme Christian oro ẹyakde idem ẹnọ ẹbọhọ ndịk owo ye ufụn idiọkn̄kpọ ye n̄kpa, nte nnyịn ikotde ke N̄wed Mbon Rome 6:18, 22. Nnyịn ikot n̄ko ite ke “ọtọ nte spirit Ọbọn̄ [“Jehovah,” NW] odude, ubọhọ-ufụn etiene odu do n̄ko.” (2 Corinth 3:17) Ke akpanikọ, Ikọ Abasi akama nyayama idoteyịn “ete ke ẹyenyan̄a ekondo ke idemesie nde ẹsio ke itie ufụn mbiara ndien enyene ubọn̄ ubọn̄ ubọhọ-ufịn eke nditọ Abasi.”—Rome 8:21, NW.
Edieke owo ekededi oyomde ndinyene ubọhọ-ufụn Christian idahaemi, ana enye esịn ata ukeme. Enye ke usụn̄ ndomokiet idịghe editiene sụk usụn̄ uwem oro enyenede esisịt ubiọn̄ọ. N̄ko, oyom udiana ukeme man ẹkaiso ke ndidara ubọhọ-ufụn emi. Ke ikerede iban̄a mme odudu oro ẹdomode ndibọ nnyịn ubọhọ-ufụn mfep: Satan kpa Devil, idiọk ererimbot esie, ye mme ntụhọ ndammana idiọkn̄kpọ nnyịn. Jehovah Abasi ọmọnọ un̄wam ebe ke odudu Ikọ esie eke odudu spirit, ebe ke edisana spirit esie, onyụn̄ ebe ke esop esie oro ẹkụtde ke enyịn.—Luke 11:13.
Man ẹn̄wam kpukpru mme ama ubọhọ-ufụn ẹsọn̄ọ mbọbọ mmọ ke ubọhọ-ufụn, mbono district eke Mme Ntiense Jehovah isua emi anam unenikpe ọnọ ibuotikọ oro “Mme Ama Ubọhọ-ufụn.” Mbono emi edibịghi ke usen ita, ọtọn̄ọde ke n̄kanika 9:30 usenubọk Friday onyụn̄ akaiso tutu ke n̄kanika 4:00 ke mbubịteyo Sunday. Ẹyenam kpukpru owo oro ẹdidide mbono ẹmi ẹkop nduọkodudu ke n̄kan̄ eke spirit ẹnyụn̄ ẹnam mmọ ẹkọri ke mme nduaidem nduaidem utịn̄ikọ, inem inem ndụn̄ọde, mme nnamn̄wụt ẹnyenede ufọn ye nduaidem nduaidem drama oro ọkọn̄ọde ke Bible; nnyịn ikponyụn̄ ifụmike idara oro odude ke ufiop ufiop ebuana ye n̄kani ye mbufa ufan, inemesịt ke ndidiana ye tọsịn mbon en̄wen ke ndikwọ mme ikwọ Obio Ubọn̄ nnyịn, ye edibuana ke an̄wa an̄wa akam ofụri esịt.
Kpukpru mme asan̄autom Jehovah oro ẹyakde idem ẹnọ ẹkpekam ẹtre ndiyak n̄kpọ ndomokiet ọbiọn̄ọ mmọ ndidu ke usenubọk Friday ke ini mbono ẹmi ọtọn̄ọde. N̄ko kụt ete imọ isan̄ake ye Bible ye n̄wedikwọ kpọt edi n̄ko benetap ye n̄wed uwetn̄kpọ. Di, n̄ko, ye ata udọn̄ n̄kpọ eke spirit fo nte ubak mbon oro ẹbọhọde ufụn.—Matthew 5:3.
Mme Itie Mbono District Eke 1991
NOVEMBER 8-10, 1991
IKOT AKAN 1 (Efịk)
MGBOKO UMUORIA 1 (Igbo)
OTTA 1 (Ikọmbakara)
OYEDE 1 (Isoko)
ULI 1 (Igbo)
NOVEMBER 15-17, 1991
AKURE 1 (Yoruba)
IKOT AKAN 2 (Efịk)
KADUNA (Ikọmbakara, Yoruba)
MGBOKO UMUORIA 2 (Igbo)
OTTA 2 (Yoruba)
OYEDE 2 (Isoko)
ULI 2 (Igbo)
NOVEMBER 22-24, 1991
AKURE 2 (Yoruba)
JOS (Ikọmbakara, Hausa)
MGBOKO UMUORIA 3 (Ikọmbakara)
OTTA 3 (Ikọmbakara)
ULI 3 (Igbo)
DECEMBER 6-8, 1991
AKURE 3 (Yoruba)
BADAGRY (Gun)
IBADAN 1 (Yoruba)
IGWURUTA ALI 1 (Ikọmbakara, Ikwerre)
IKOT EKPENE 1 (Efịk)
MGBOKO UMUORIA 4 (Igbo)
OTTA 4 (Yoruba)
ULI 4 (Igbo)
DECEMBER 13-15, 1991
AKURẸ 4 (Ikọmbakara)
BENIN CITY 1 (Edo, Owan)
CALABAR 1 (Efịk)
IBADAN 2 (Yoruba)
IGWURUTA ALI 2 (Ikọmbakara)
IKOT EKPENE 2 (Efịk)
ILESHA 1 (Yoruba)
MGBOKO UMUORIA 5 (Igbo)
OTTA 5 (Ikọmbakara)
UBOGO 1 (Ikọmbakara, Okpe)
ULI 5 (Igbo)
UYO 1 (Ikọmbakara)
DECEMBER 20-22, 1991
AGBOR 1 (Kwale, Aniocha)
BENIN CITY 2 (Edo, Ishan)
CALABAR 2 (Efịk)
IBADAN 3 (Ikọmbakara)
IGWURUTA ALI 3 (Abua, Ogoni)
IKOT EKPENE 3 (Efịk)
ILESHA 2 (Yoruba)
MGBOKO UMUORIA 6 (Igbo)
OKITIPUPA 1 (Yoruba)
OTTA 6 (Yoruba)
UBOGO 2 (Ijaw, Itsekiri)
ULI 6 (Ikọmbakara)
UYO 2 (Efịk)
JANUARY 3-5, 1992
AGBOR 2 (Ikọmbakara, Ika)
BENIN CITY 3 (Ikọmbakara)
CALABAR 3 (Ikọmbakara)
ILESHA 3 (Yoruba)
KATSINA ALA (Ikọmbakara, Tiv)
MGBOKO UMUORIA 7 (Igbo)
OKITIPUPA 2 (Yoruba)
OTTA 7 (Ikọmbakara)
UBOGO 3 (Urhobo)
ULI 7 (Igbo)
UYO 3 (Efịk)
JANUARY 10-12, 1992
BENIN CITY 4 (Ikọmbakara)
MGBOKO UMUORIA 8 (Igbo)
OTTA 8 (Yoruba)
UBOGO 4 (Urhobo)
UYO 4 (Efịk)
JANUARY 17-19, 1992
OTTA 9 (Yoruba)