Mbono Ofụri Isua

OCTOBER 1, 1994

MBONO OFỤRI ISUA eke mme andibuana ke Watch Tower Bible and Tract Society of Pennsylvania eyeda itie ke October 1, 1994, ke Ufọkmbono Mme Ntiense Jehovah, 2932 Kennedy Boulevard, Jersey City, New Jersey. Mme andibuana kpọt ẹyebemiso ẹnịm mbono ke n̄kanika 9:30 usenubọk, mbono ofụri isua eke ofụri ini eyetiene ke n̄kanika 10:00 usenubọk.

Mme andibuana ke N̄ka emi ẹkpenyene nditọt Ọfis Ewetn̄wed idahaemi mban̄a ukpụhọde ekededi ke adres ubọ n̄wed ke isua emi ekebede man leta editọt ofụri-ini ye n̄wed unen umekowo ye unana edidụk mbono ẹkeme ndisịm mmọ ke ọfiọn̄ July.

Ẹkpenyene ndifiak nnọ n̄wed unen umekowo oro edi, oro ẹdidiande ye ntọt aban̄ade mbono ofụri isua ẹnọ ẹsọk mme andibuana, man okposịm Ọfis Ewetn̄wed N̄ka okûbịghi akan August 1. Andibuana kiet kiet ekpenyene ndiwet n̄kpọ nyọhọ nnyụn̄ nnọ n̄wed unen umekowo esie edi usọp usọp, ewetde m̀mê enye eyedụk mbono oro ke idemesie m̀mê ididụkke. Ntọt oro ẹnọde ke n̄wed unen umekowo kiet kiet ekpenyene ndidi nnennen ke afan̄ emi, sia edidade enye ke ndibiere m̀mê anie edibuana ke idemesie.

Ẹdori enyịn ẹte ke ofụri ikpehe edinam oro, esịnede mbono mbubehe ye mme mbụkutom, ẹyekụre ke n̄kanika 1:00 uwemeyo m̀mê esisịt ini ke oro ebede. Ikpehe uwemeyo ididụhe. Ke ntak oro ufan̄ mîkponke ikem, edidụk edidi ke tiket kpọt. Owo idinamke ndutịm inọ ediyịri mbono ofụri isua ẹmi ye mme itie mbono en̄wen ebe ke urụk ukopikọ.