MME MBỤME BIBLE ORO ẸBỌRỌDE
Nso ufọn ke n̄kpa Jesus anam ọnọ nnyịn?
Ke ini Abasi okobotde owo, enye okoyom mmọ ẹdu uwem ke isọn̄ emi ke nsinsi. Enye ikoyomke mmọ ẹdọn̄ọ m̀mê ẹkpa. Edi Adam emi edide akpa owo emi Abasi okobotde ama ọsọn̄ ibuot ye Abasi onyụn̄ otop nsinsi uwem oro Abasi ọkọnọde enye ọduọk. Ntre ke nnyịn emi idide nditọ esie ikada n̄kpa imana. (Rome 5:8, 12; 6:23) Jehovah Abasi ama ọnọ Jesus Eyen esie edi isọn̄ emi edikpa ke ibuot nnyịn man ifiak inyene se Adam okotopde ọduọk.—Kot John 3:16.
Jesus akakpa man ikeme ndidu uwem ke nsinsi. Afo ekere ke uwem editie didie ke isọn̄ emi ke ini owo mîdikpaha aba?
N̄kpa Jesus anam Abasi efen mme idiọkn̄kpọ nnyịn onyụn̄ anam idori enyịn ndidu uwem ke nsinsi. Bible etịn̄ nte uwem editiede ke isọn̄ emi—usọn̄, udọn̄ọ, ye n̄kpa ididụhe aba.—Kot Isaiah 25:8; 33:24; Ediyarade 21:4, 5.
Ikpeti n̄kpa Jesus didie?
Mbemiso ẹwotde Jesus, enye ama ọdọhọ mbet esie esiti n̄kpa imọ. Nditi n̄kpa Jesus esinam itie ikere adan̄a nte Jesus ye Jehovah ẹmade nnyịn.—Kot Luke 22:19, 20; 1 John 4:9, 10.
Iditi n̄kpa Jesus isua emi ke Monday, April 14, ke utịn ama okosop. Mbọk tiene Mme Ntiense Jehovah ke edem mbufo dụk Editi emi.—Kot Rome 1:11, 12.