Ntọn̄ọiko

AFO EKERE DIDIE?

Ata ediwak owo ẹfiọk prọfesi oro aban̄ade mme awat enan̄-mbakara inan̄ oro ẹtịn̄de ẹban̄a ke n̄wed Ediyarade. Prọfesi emi esinam ediwak owo ndịk, edi esikpa mbon eken idem. Kop se Bible etịn̄de aban̄a prọfesi oro mi:

“Owo emi okotde ntịn̄nnịm ikọ emi uyo ọwọrọ ye mmọ emi ẹkopde ntịn̄nnịm ikọ emi . . . ẹkop inemesịt.”​—⁠Ediyarade 1:⁠3.

Enyọn̄-Ukpeme emi owụt nte uwat emi mme awat enan̄-mbakara inan̄ oro ẹwatde ebehede fi.