“Mbon Nsụkidem Ẹyeda Isọn̄ Ẹnyene”

Ata ediwak nnyịn imesikụt nte ẹbiomde owo emi mîduehe ikpe inyụn̄ ikụt nte ndiọi owo ẹfịkde nti owo. Edi, ndi enyene ini emi ukwan̄ikpe ye idiọkn̄kpọ ẹditrede ke ererimbot emi?

Psalm 37 ọbọrọ mbụme emi onyụn̄ etịn̄ se nnyịn ikpanamde idahaemi. Mbọk kot man okụt nte enye ọbọrọde mme mbụme oro ẹtienede mi.

• Ikpanam n̄kpọ didie ye mbon oro ẹfịkde nnyịn?​—Ufan̄ikọ 1, 2.

• Nso iditịbe inọ ndiọi owo?​—Ufan̄ikọ 10.

• Nso ke Abasi edinam inọ nti owo ke ini iso?​—Ufan̄ikọ 11, 29.

• Nso ke ikpanam idahaemi?​—Ufan̄ikọ 34.

Psalm 37 anam nnyịn ifiọk nti n̄kpọ oro ẹditịbede inọ mbon oro ‘ẹdoride enyịn ke Jehovah ẹnyụn̄ ẹtienede usụn̄ esie.’ Mme Ntiense Jehovah ẹyema ndin̄wam fi ekpep Bible man ọfiọk se afo ye ubon fo ẹkpenamde man ẹtiene ẹdu ini oro.