Ini Iso Fo Esịne Fi ke Ubọk

N̄kpọ nte isua 3,500 emi ekebede, Jehovah Abasi ama etịn̄ se ikọt esie ẹkpenamde man n̄kpọ ọfọn mmọ ke ini iso. Enye ọkọdọhọ mmọ ete: “Mmada uwem ye n̄kpa, edidiọn̄ ye isụn̄i, nnịm fi ke iso; mek uwem man afo ye nditọ fo ẹkpedu uwem.”—Deuteronomy 30:19.

Akana ikọt Abasi ẹnam nnennen n̄kpọ man n̄kpọ ọfọn mmọ ke ini iso. Se anade inyụn̄ inam edi oro. Bible etịn̄ se ikpanamde man n̄kpọ ọfọn nnyịn ke ini iso, oro edi, ‘ndima Jehovah Abasi nnyụn̄ n̄kop uyo esie.’—Deuteronomy 30:20.

DIDIE KE IKEME NDIMA JEHOVAH NNYỤN̄ N̄KOP UYO ESIE?

KPEP BIBLE: Edieke oyomde ndima Jehovah, ana ekpep n̄kpọ aban̄a enye ke Bible. Nte osụk ekpepde Bible, eyedikụt ke Jehovah edi edima Abasi emi oyomde n̄kpọ ọfọn fi. Enye ọdọhọ ọbọn̄ akam ọnọ imọ sia ‘enye ekere aban̄a fi.’ (1 Peter 5:7) Bible ọdọhọ ke ama anam se ekemede man ekpere Abasi, ke enye n̄ko ‘ayasan̄a ekpere fi.’—James 4:8.

NAM SE EKPEPDE: Ama anam mme item emi ẹdude ke Bible, ọwọrọ omokop uyo Abasi. “Do ke afo edikụt unen ke usụn̄ fo onyụn̄ ada eti ibuot anam n̄kpọ.”—Joshua 1:8.