Wụt ke Imekere Iban̄a ebe ke Ndinam Mme Mfiakn̄ka
1 Ndiyom mbon oro ẹnyenede udọn̄ to ke enyịnusụn̄ sịm enyịnusụn̄ owụt udọn̄ oro afo enyenede ndinọ mbon efen ifet ndikop etop Obio Ubọn̄. Ntre kụt ete ke imafiak ika mme ebiet oro okonịmde n̄wed ke ọfiọn̄ January, sia emi edide eti usụn̄ ndiwụt ke afo emekere aban̄a mmọ efen.
2 Edieke afo ọkọnọde n̄wed “Yak Obio Ubọ Fo Edi,” afo emekeme ndidomo nditọn̄ọ nneme fo ke usụn̄ emi:
◼ “Isan̄ oko nnyịn ima ineme iban̄a Obio Ubọn̄ Abasi ye se enye edinamde ọnọ nnyịn. Obio Ubọn̄ oro eyewara ndinam isọn̄ emi edi paradise. Sia edide akanam nnyịn ikwe paradise, ekeme ndisọn̄ ndifiọk nte enye editiede. Ekeme ndidi enye editie ntem. [Tịn̄ tụk ndise oro odude ke page 4 ye 5.] Utọ paradise oro ke ẹn̄wọn̄ọ ke Bible.” Kot Psalm 72:7, kụbọde ka page 175, ikpehe ekikere 3 ye 4, nyụn̄ wụt se anade nnyịn inam edieke nnyịn iyomde ndidụn̄ ke Paradise oro edide. Diomi ndifiak n̄ka kaban̄a n̄kaiso nneme.
3 Edieke afo ọkọnọde n̄wed “Edikpañ Utöñ nö Aqua Andikpep,” afo okpodomo nditọn̄ọ nneme fo ke usụn̄ emi:
◼ “Kpukpru nnyịn imekeme ndinyịme nte ke man inyene emem ye ifụre oyom nnyịn inyene akamba ukpụhọde ke ofụri ndutịm ererimbot, koro adan̄a ini nte mbon idiọkitọn̄ ye mme idiọkowo ẹkarade, uwem ikemeke-keme ndinyene emem ye ifụre. Ẹma ẹbemiso ẹtịn̄ ẹban̄a mme enyene-ndịk ndutụhọ oro mme owo ẹsobode ke ofụri ikpehe ererimbot ke Ikọ Abasi, kpa Bible, ndien n̄kpama ndifiak ndi nnyụn̄ ndinam ndusụk utịbe utịbe un̄wọn̄ọ oro ẹsịnede ke enye ẹn̄wan̄a fi.” Nam nte nnyịn isikpepde n̄kpọ wụt.
4 Afo emekeme ndifiak n̄ka ebiet okonịmde n̄wed “Ata Emem ye Ifure—Oto Itie Ewe?” ye ibio ibio nneme nte enyeemi:
◼ “Mme andikara ererimbot mfịn ẹkpu ndida emem ye ifụre ndi. Jehovah Abasi edi n̄kukụre enyeemi ekemede ndinam oro. Bible owụt nnyịn se oyomde nnyịn inam. [Neme mme akpan n̄kpọ ke ikpehe ekikere 1 ye 2 ke page 175, ndien ekem kot Isaiah 26:4.] N̄kpama ndiwụt fi nte n̄wed emi ekemede ndin̄wam fi.” Diomi mfiakn̄ka.
5 Afo emekeme ndifiak n̄ka ebiet oro okonịmde ediye uduot ekpri n̄wed oro “Nte Abasi Enen̄ede Ekere Aban̄a Nnyịn?” ye ekikere emi:
◼ “Isan̄ oko mma nnọ fi ediye uduot ekpri n̄wed emi, oro edemerede akpan mbụme emi: ‘Nte Abasi enen̄ede ekere aban̄a nnyịn?’ Ke ama okodụn̄ọde ediye uduot ekpri n̄wed emi, nso ubiere ke afo okosịm? [Bet ibọrọ) Enyene ndidi afo ama ọbọ nsịnudọn̄ oto edikot mme itien̄wed oro ẹn̄wọn̄ọde paradise obufa ererimbot, emi nnyịn ikemede ndidu ke emem. [Wụt mme ndise ẹdude ke page 2 ye 3, nyụn̄ wụt ndusụk ke otu ndiye idaha oro ẹdidude ke obufa ererimbot.] Mmonịm ke akpanikọ nte ke afo ye mbonima fo ẹyema ndidụn̄ ke utọ ererimbot oro. Tịmfiọk se ikpehe ekikere 16 ke page 31 etịn̄de aban̄a emi.” Kot ikpehe ekikere, nyụn̄ sio wụt nte ke ediyom Jehovah ọwọrọ ndikpep ekese mban̄a enye ye mme uduak esie ebe ke ndikpep Ikọ esie, kpa Bible. Nam ndutịm oro ẹnyenede iwụk ndifiak n̄ka.
6 Jehovah omonịm mfọnmma uwụtn̄kpọ nte ima ima Ekpemerọn̄ emi ekerede aban̄a mme erọn̄ esie. (Ezek. 34:11-14) Ukeme ofụri esịt oro nnyịn isịnde ke ndikpebe ima ima edikere mban̄a esie enem enye esịt, owụt ima nnyịn, onyụn̄ ada mme edidiọn̄ ọsọk mmọ efen.