Ndikpep N̄kpọ nto Vidio Oro The Bible—Accurate History, Reliable Prophecy
Ke ama ekese vidio emi ama, nte afo emekeme ndibọrọ mme mbụme emi? (1) Anie edi Enye emi ntọt Bible oro ẹkemede ndiberi edem otode? (Dan. 2:28) (2) Didie ke Bible ọnọ nnennen ntọt aban̄a Egypt eset, ndien didie ke ntịn̄nnịm ikọ oro ẹkewetde ke Isaiah 19:3, 4 okosu? (3) Didie ke ukpepn̄kpọ aban̄ade udọkisọn̄ nyom n̄kpọeset ọsọn̄ọ se Bible etịn̄de aban̄a mbon Assyria, ndidem mmọ, ye utịt Assyria? (Nah. 3:1, 7, 13) (4) Nso mme ntịn̄nnịm ikọ ẹbuanade Babylon ẹdi se ẹkemede ndiberi edem? (5) Nso odudu ke Media ye Persia ẹkenyene ke idem ikọt Abasi? (6) Didie ke Daniel 8:5, 8 okosu, ndien ẹkebem iso ẹtịn̄ ẹban̄a emi ẹbịghi adan̄a didie? (7) Didie ke Jesus okowụt ke idi ata Messiah? (8) Mme odudu ukara ewe ke eyomfịn ẹsu mme ntịn̄nnịm ikọ ẹdude ke Ediyarade 13:11 ye 17:11? (9) Ewe ikpehe edinam ke vidio emi owụt akpanikọ odude ke Ecclesiastes 8:9? (10) Didie ke ndise emi ọsọn̄ọ nte afo enịmde mme un̄wọn̄ọ Bible ẹban̄ade ini iso ke akpanikọ? (11) Didie ke afo ekeme ndida n̄kpọutom emi nnam mbon efen ẹnịm ke akpanikọ nte ke Bible oto Abasi?