Se Ẹkpetịn̄de Ẹban̄a Mme Magazine

Enyọn̄-Ukpeme Sept. 1

“Ediwak owo ẹnịm ẹte ke Devil edi enyene-ndịk idiọk unam oro enyenede mba n̄kpekpem, mme nnụk, ikpat oro asiahade iba, anyan isịm, edeme emi enyenede mfa, ye n̄kpọ ntre. Ndi afo ekere ntre? Nte afo emenyịme ete ke Devil enen̄ede edi se owo etịbide ndida nnam ntak unam idiọk esie an̄wan̄a? [Ke ẹma ẹkenọ ibọrọ, kot 2 Timothy 3:15.] Magazine emi owụt ukpepn̄kpọ Bible aban̄ade nte Devil etiede.”

Enyọn̄-Ukpeme Sept. 15

“Mme andima akpanikọ ẹdu ke se ikperede ndidi kpukpru ido ukpono. Kpa ye oro, etie nte ido ukpono ke ofụri ofụri ababahade ubonowo. Nso ke oyom man ẹnam mbon oro ẹnyenede esịt akpanikọ ẹdiana ọtọkiet? [Ke ẹma ẹkenọ ibọrọ, kot Zephaniah 3:9.] Magazine emi owụt nte ifiọk aban̄ade Abasi akpanikọ anamde mme owo ẹdiana kiet ke kpukpru itie.”

Awake! Sept. 22

“Ediwak nnyịn ikere ke ediwak udia ẹyedu ndidia kpukpru ini. Edi idahaemi editịmede esịt odu nte ke ifiọk ntaifiọk ekeme ndinam nnyịn ikûnyene udia. Magazine emi anam an̄wan̄a ndusụk editịmede esịt ẹnyenede ẹban̄a emi ọkọrọ ye idotenyịn Bible kaban̄a ata usọbọ kaban̄a mfịna emi.”

Enyọn̄-Ukpeme Oct. 1

“Afo emekeme ndinyịme nte ke ndibuọt idem ke Abasi idịghe ọsọ ibuot nneme inọ ediwak owo. Edi ntak edide ntre? [Ke ẹma ẹkenọ ibọrọ, kot Mme Hebrew 11:1.] Magazine emi etịn̄ aban̄a se ata mbuọtidem edide onyụn̄ etịn̄ m̀mê edi akpan n̄kpọ nnyịn ndinyene mbuọtidem m̀mê idịghe.”