Se Ẹkpetịn̄de Ẹban̄a Mme Magazine

Enyọn̄-Ukpeme Dec. 15

“Ke ini ntem ke isua, ekese owo ẹkere ẹban̄a Jesus Christ, edide mmọ ẹnịm enye ke akpanikọ m̀mê inịmke. Ndusụk owo ẹdọhọ ke enye ikedịghe ata owo. Afo ekere didie? [Ke ẹma ẹkebọrọ, kot Matthew 16:15, 16.] Mmekere ke afo ayama ndikot ibuotikọ emi aban̄ade ‘Ata Jesus’ mi man okụt nte enye otụkde fi mfịn ye nte editụkde fi ke ini iso.”

Awake! Dec. 22

“Nte afo unyịmeke nte ke man uwem enyene ifụre, oyom nnyịn inyene udia oro ọfọnde onyụn̄ edide se ẹberide edem? [Bet ibọrọ.] Tịm fiọk se Abasi ọkọn̄wọn̄ọde ọnọ ikọt esie ko ke mme ini Bible. [Kot Leviticus 26:4, 5.] Awake! etịn̄ aban̄a mme editịmede esịt oro odude mfịn kaban̄a udia nnyịn. Enye n̄ko anyan ubọk owụt ini emi Abasi edinọde nnyịn ifụre ke ofụri isọn̄.”

Enyọn̄-Ukpeme Jan. 1

“Nte afo emekere ntak emi etiede nte ke ndusụk owo ẹdu inem inem uwem ke adan̄aemi mbon efen ẹn̄wanade-n̄wana man ẹnyene se ẹdade ẹdu uwem? Bible enyene se etịn̄de aban̄a emi. [Kot Job 34:19.] Magazine emi anam an̄wan̄a nte Abasi aduakde nditre ubahade emi odude ke n̄kaowo.”

Awake! Jan. 8

“Kpukpru nnyịn imọfiọk iban̄a nnama oro enyen̄ede ererimbot mi. Tọn̄ọ ke ini oro, mme owo ẹyom ndọn̄esịt ye un̄wam akamba akamba. Ke adianade ye mme n̄kpọ eken, ibuotikọ emi anam an̄wan̄a se Mme Ntiense Jehovah ẹnamde man ẹn̄wam mme andibọhọ, mbon oro ẹnamde utom ke mbabuat idaha, ye mbon emi ẹtabade owo ke n̄kpa.”