Se Ẹkpetịn̄de Ẹban̄a Mme Magazine

Enyọn̄-Ukpeme Dec. 15

“Ke ini Christmas, ediwak owo ẹsidomo ndifọn ido nnyụn̄ ntua mme owo mbọm. Nte afo ukereke ke ererimbot ekpenem itie edieke mme owo ẹkpesituade owo mbọm kpukpru ini ke isua? [Bet ibọrọ. Ekem kot 1 Peter 3:8.] Magazine emi eneme ntak ọfọnde nditua owo mbọm onyụn̄ etịn̄ ndusụk usụn̄ oro ikemede ndinam emi.”

Awake! Dec.

“Nte afo emekere ke mme ufan ye iman nnyịn emi ẹma ẹkekpan̄a ẹyefiak ẹdidu uwem? [Bet ibọrọ.] Bible ọdọhọ ke ubọhọ n̄kpa odu. [Kot Psalm 68:20.] Magazine emi owụt ntak oro nnyịn mîkpokopke ndịk iban̄a n̄kpa nte nsinsi utịt uwem.”

Enyọn̄-Ukpeme Jan. 1

“Ediwak owo ẹsibọn̄ akam ẹyom Obio Ubọn̄ Abasi. Ke uwụtn̄kpọ, kop ọwọrọetop akam emi, oro Jesus ekekpepde mme anditiene enye. [Kot Matthew 6:9, 10.] Nte akanam afo emekere se Obio Ubọn̄ oro edide ye ini oro enye edidide? [Bet ibọrọ.] Magazine emi owụt se Bible etịn̄de aban̄a n̄kpọ emi.”

Awake! Jan.

“Ke ofụri mbụk ubonowo, ẹsari iban asari ẹnyụn̄ ẹnam n̄kpọ afai afai ye mmọ. Afo ekere ke nso idi ntak? [Bet ibọrọ.] Kop mi nte Bible ọdọhọde mme ebe ẹsinam n̄kpọ ye iban mmọ. [Kot 1 Peter 3:7.] Magazine emi ada Bible owụt nte Abasi ye Christ ẹsede iban.”