Se Ẹkpetịn̄de Ẹban̄a Mme Magazine

Enyọn̄-Ukpeme Nov. 15

“Ndusuk owo ẹyịk m̀mê imoyom mme ufọkabasi ye mme temple man ituak ibuot inọ Abasi. Afo ekere didie? [Bet ibọrọ.] Tịm fiọk se Bible etịn̄de aban̄a emi. [Kot Utom 17:24.] Nso ndien ke ẹkpeda mme itie utuakibuot ẹnam? Magazine emi ọbọrọ mbụme emi nte ekemde ye N̄wed Abasi.”

Awake! Nov. 22

“Nte afo emekere ke usen kiet, ifiọk ntaifiọk eyetre udọn̄ọ? [Bet ibọrọ.] Nsiondi Awake! emi etịn̄ ndusụk n̄kọri ke ifiọk ntaifiọk. Enye owụt n̄ko ntak emi edide Andibot ikpọn̄ enyene odudu ndisio udọn̄ọ ye n̄kpa mfep.” Kot Psalm 146:3-5, nyụn̄ nọ mme magazine.

Enyọn̄-Ukpeme Dec. 1

“Idahaemi, ekpere ndidi ọsọsọn̄ kpukpru owo ndinyene se ẹdade ẹdu uwem. Ntre ke edi ke mme ufọkabasi, ndien ẹsịn udọn̄ ẹnọ mme owo nditịp okụk ẹkan nte ẹsisịnde. Nte oro esifịna fi? [Bet ibọrọ. Ekem kot 1 Thessalonica 2:9.] Enyọn̄-Ukpeme emi owụt se Bible etịn̄de aban̄a emi.”

Awake! Dec. 8

“Ke ntak ndịk oro mbon edinam oyomonsia ẹsịnde owo ke idem, ediwak owo ẹyịk m̀mê ke ọfọfọn ndika isan̄ ke ubomofụm. Nte emi esifịna fi? [Bet ibọrọ.] Bible anam nnyịn ifiọk nte ke owo ndomokiet ibọhọke unọmọ. [Kot Ecclesiastes 9:11.] Nte ededi, nsiondi Awake! emi etịn̄ nte afo ekemede ndisụhọde mme n̄kpọndịk oro ẹdude nnyụn̄ nnyene ifụre ke ini anamde isan̄ ke ubomofụm.”