Mbono District Edemede Nnyịn Udọn̄ Ndisan̄a ye Abasi
Ke Mbono District “Ẹsan̄a ye Abasi,” ẹma ẹfiak ẹnọ in̄wan̄-in̄wan̄ ndausụn̄ Jehovah oro ọdọhọde ete: “Emi edi ọkpọusụn̄, mbufo ẹsan̄a ke esịt”! (Isa. 30:21) Ndida item oro ikọbọde nsịn ke edinam ayan̄wam nnyịn ‘nditịn̄ enyịn n̄kpeme nte isan̄ade.’ (Eph. 5:15) Nditie n̄kere mme n̄kpọ oro ikekpepde ayan̄wam nnyịn nte ‘ikade iso ndisan̄a ke akpanikọ.’—3 John 3.
Da mme mbụme ẹtienede mi ye mme n̄kpọ oro afo ekewetde tịm idem nọ nyụn̄ tiene buana ke ndụn̄ọde mbono district. Ẹdinam ndụn̄ọde emi ke Esoputom eke March 7.
1. Didie ke Enoch ekekeme ndisan̄a ye Abasi kpa ye oro enye okodude uwem ke mme ini afanikọn̄? (Heb. 11:1, 5, 6; Jude 14, 15; “Ẹsan̄a ye Abasi ke Mme Ini Afanikọn̄”)
2. Mme ikpehe ewe ke uwem ke ẹkeme ndida edumbet oro ke Luke 16:10 nsịn ke edinam? (“Nte Afo ‘Amanam Akpanikọ ke Ata Ekpri N̄kpọ’?”)
3. (a) Siak nti ukpepn̄kpọ inan̄ oro ẹkụtde ke Hosea ibuot 6 esịm 9 emi ẹdin̄wamde nnyịn ndisan̄a ye Abasi. (Hos. 6:6, 7; 7:14; 8:7) (b) Nso mme akpan n̄kpọ efen ẹtode Hosea ibuot 10 esịm ibuot 14 ẹn̄wam nnyịn ndisan̄a ye Abasi? (“Ntịn̄nnịm Ikọ Hosea An̄wam Nnyịn Ndisana ye Abasi”—Nneme)
4. Nso nti n̄kpọ ke ebe ye n̄wan oro ẹdide Christian ẹkeme ndinam man ẹsọn̄ọ mbọbọ ndọ mmọ? (N̄ke 12:4; Eph. 5:29, “Kûdianade ‘Se Abasi Ama Akadian’”)
5. Didie ke iwụt ukpono inọ ndisana mboho nnyịn? (Eccl. 5:1; Isa. 66:23; “Ndiwụt Ukpono nnọ Ndisana Mboho Nnyịn”)
6. (a) Akpan ikpehe ita ewe ke utom ukwọrọikọ nnyịn ke oyom idụn̄ọde man ikụt ite ke imenen̄ede ibuana ke esịt? (Isa. 52:7; Zech. 8:23; Mark 6:34) (b) Ewe ikpehe ke n̄wed oro Good News for People of All Nations enen̄ede enyene ufọn ọnọ fi? (“Eti Mbụk Odude ọnọ Mme Owo Ẹtode Kpukpru Idụt”; “Ndin̄wam Mbon Oro Ẹsemde Usem En̄wen”)
7. Didie ke ikpan̄wam mbufa owo ẹnyene uko ke ndikwọrọ etop Obio Ubọn̄? (Judg. 7:17; “Ndin̄wam Akwa Udịm Owo Ẹbuana ye Nnyịn ke An̄wautom”)
8. Didie ke nnyịn iwụt ke imenịm ke akpanikọ ite ke “Akwa usen Jehovah emekpere”? (Zeph. 1:14; “Ndisan̄a ke Mbuọtidem, Idịghe ke Edikụt ke Enyịn”)
9. (a) Ndituak ukot nduọ m̀mê ndinịm n̄kpọ iduọ nnọ owo ọdiọk adan̄a didie? (Mark 9:42-48) (b) Didie ke nnyịn ikeme ndifep ndituak ukot nduọ? (Ps. 119:165) (c) Didie ke nnyịn ikeme ndifep ndinam mbon efen ẹtuak ukot ẹduọn̄ọ? (1 Cor. 10:24; “Fep ‘N̄kpọ Iduọ’ Ekededi”)
10. Didie ke ikeme ndida ukem ukem ke se iban̄ade ediyom nsan̄a ndọ, nsọn̄idem, ye edise mban̄a mme mbubehe? (Ps. 26:4; Matt. 6:25; 1 Tim. 6:9; “Ẹfara ke Idem Ọyọhọ Ọyọhọ”)
11. (a) Nso ke odot ẹtịm ẹfiọk ẹban̄a mme ini oro Jesus akadarade mfọnido mbon en̄wen? (Luke 10:42; 24:32) (b) Didie ke nnyịn ikeme ndinọ idem nnyịn nduọkodudu ke usụn̄ oro anamde nnyịn ye mbon en̄wen ikop inemesịt? (1 Cor. 10:31-33; “Nti Edinam Oro Ẹnọde Nduọkodudu”)
12. Nte Psalm 23 ọdọhọde, mme edidiọn̄ ewe ke nnyịn inyene nte mme erọn̄ Jehovah, ndien nso idi mbiomo nnyịn? (1 Cor. 10:21; “Jehovah Edi Andibọk Nnyịn”)
13. Didie ke mme Christian ẹnam item eke odudu spirit oro ọdọhọde ete “ẹdedep ifet”? (Eph. 5:16; “Ẹdedep Ifet”)
14. (a) Nso ke “ini ikpe” oro ẹtịn̄de ẹban̄a ke Ediyarade 14:7 abuana? (b) Didie ke nnyịn iwụt ke imenen̄ede idian̄ade ikpọn̄ Akwa Babylon? (“‘Ẹkpeme’—Ekem Ini Ikpe”) (c) Mme akpan n̄kpọ ewe ke afo ama ke ediye uduot ekpri n̄wed Ẹdu ke Ukpeme!?
15. Siak akpan edu ita oro ẹyomde man nnyịn ‘ikûkpọn̄ edinen usụn̄.’ (2 Pet. 2:15; “Ẹkpeme Man ‘Ẹkûkpọn̄ Edinen Usụn̄’”)
16. Didie ke mme uyen ẹkpefep ndidụk “usụn̄ oburobụt owo”? (N̄ke 4:14; “Mme Uyen—Ẹsan̄a ke Usụn̄ Edinen Ido”)
17. (a) Mme usụn̄ ewe ke Paul ekenịm eti uwụtn̄kpọ ke edinyene ime? (Utom 14:19, 20; 16:25-33) (b) Ntak emi ufọn mîdụhe ndifehe mme andibiọn̄ọ utuakibuot akpanikọ? (Drama ye utịn̄ikọ oro “Ẹnọ Ọyọhọ Ikọ Ntiense Mfịn Kpa ye Ukọbọ”)
18. Mme edidiọn̄ ewe ke mbon oro ẹsan̄ade ye Abasi ẹnyene? (“Ndisan̄a ye Abasi Ada Mme Edidiọn̄ Edi Idahaemi ye ke Nsinsi”)
Nnyịn ikpakam ibiere ndikop ‘uyo ke edem nnyịn’ man isan̄a ye Ete nnyịn eke heaven ke nsinsi.—Isa. 30:21; John 3:36.