Vidio Oro Anade Ẹnen̄ede Ẹkere Ẹban̄a
“Vidio emi enen̄ede anam fi ekere n̄kpọ!”
“Enye ama enen̄ede otụk mi esịt!”
“Enye ama otụk mi etieti!”
1 Ndi eketie fi ke idem ntre ke akpa ini oro ekesede vidio Young People Ask—How Can I Make Real Friends? Ke ndusụk isua oro ẹkebede, akparawa kiet ama osobo ọkpọsọn̄ mfịna ke uwem ke ntak mme ufan oro enye ekemekde. Mmọ ikayakke enye enyene udọn̄ ke akpanikọ, ndien enye ama ataba eti itie ebuana esie ye Jehovah. Ekem ẹma ẹsio vidio Real Friends. Enye ama ewet ete: “Ke ini nsede vidio emi ediwak ini, mmọn̄eyet ama asiaha mi ke enyịn. Mmọkọm Jehovah ke ndinọ un̄wam emi ke edikem ini.” Vidio emi ama anam enye okpụhọde usụn̄ uwem esie onyụn̄ ẹmek nti ufan. Enye ama adian do ete: “Emi owụt ke mbufo ẹmefiọk se ifịnade n̄kpri owo.” Mme ete ye eka ye mme uyen, ntak emi mbufo mîfiakke ise vidio emi ke usen ukpepn̄kpọ ubon mbufo efen? Ẹtuak ẹda ke ikpehe kiet kiet okụrede ẹnyụn̄ ẹneme mme mbụme ke mme ikpehe ekikere oro ẹtienede mi in̄wan̄-in̄wan̄ ye ke esịt akpanikọ.
2 Ntọn̄ọikọ: Anie edi ufan akpanikọ?—N̄ke 18:24.
3 Mme N̄kpọ Ẹsibiọn̄ọde Itie Ufan: Didie ke afo ekeme ndikan ekikere oro nte ke mme owo ẹsịn fi? (Phil. 2:4) Ntak anade afo enyịme ndikpụhọde edu fo, ndien anie ekeme ndin̄wam fi anam oro? Nso idiberede mme ifet inọ edinyene ufan efen efen, ndien ke m̀mọ̀n̄ ke ẹkeme ndikụt mmọ?—2 Cor. 6:13.
4 Itie Ufan ye Abasi: Didie ke afo ekeme ndikọri itie ebuana ye Jehovah, ndien ntak emi ukeme oro esịnde ndinam ntre odotde? (Ps. 34:8) Anie enen̄ede ekeme ndisọn̄ọ itie ufan fo ye Abasi?
5 Ndiọi Ufan: Mmanie ẹdi ndiọi nsan̄a? (1 Cor. 15:33) Didie ke ndiọi ufan ẹkeme ndibiat idaha eke spirit owo? Nso ke mbụk Bible aban̄ade Dinah ekpep fi?—Gen. 34:1, 2, 7, 19.
6 Drama Eyomfịn: Ndidu ikpọn̄ okotụk Tara didie? Didie ke enye okowụt ke idiọkke ndidụk nsan̄a ye mme uyen ererimbot? Mme n̄kpọndịk ewe ke mmọ ẹkenam enye osobo? Ntak emi ete ye eka esie mîkekwe itiendịk oro enye okodude, edi ye nso edu ke mmọ ẹkeda ẹn̄wam enye ndifiak nsọn̄ idem ke n̄kan̄ eke spirit? Didie ke eyenete an̄wan oro ekedide asiakusụn̄ okowụt ke idi ata ufan Tara? Ntak anade mme Christian ẹnam se ẹtịn̄de ke Mme N̄ke 13:20 ye Jeremiah 17:9? Nso akpan ukpepn̄kpọ ke Tara ekekpep?
7 Utịtikọ: Mme ukpepn̄kpọ ewe ke afo ekpep oto vidio emi? Didie ke afo ekeme ndida enye n̄n̄wam mbon efen?—Ps. 71:17.