‘Kûfehe Mmọ’
1. Ewe mme n̄kpọ-ata oro ẹbietde eke Jeremiah ke nnyịn owo kiet kiet ikeme ndisobo?
1 Ke ini ẹkedọn̄de Jeremiah utom nte prọfet, enye ekekere ke imọ idikemeke ndinam utom emi. Edi Jehovah ama ọdọhọ enye ete, ‘kûfehe mmọ,’ onyụn̄ ọsọn̄ọ enye idem ke ima ima usụn̄ man enye okụre utom esie. (Jer. 1:6-10) Mfịn, bụt m̀mê ndikere ke nnyịn idotke ekeme nditụk nte nnyịn inamde n̄kpọ ke an̄wautom. Ndikop ndịk mban̄a nte mme owo ẹdinamde n̄kpọ iban̄a eti mbụk m̀mê nte mmọ ẹdisede nnyịn ekeme ndinam nnyịn itre ndinọ ikọ ntiense ndusụk ini. Didie ke ikeme ndikan utọ ndịk oro, ndien nso edidiọn̄ ke idinyene?
2. Didie ke ntịmidem edin̄wam nnyịn ikan ndịk ke an̄wautom?
2 Babak Tịm Idem: Nditịm idem nte ọfọnde ekeme ndinen̄ede n̄n̄wam nnyịn ikan ndịk. Ke uwụtn̄kpọ, edieke ibemde iso itie idụn̄ọde mme ikọ utre nneme, iyodu ke mben̄eidem ndibọrọ se ẹsiwakde nditịn̄ man ẹtre nneme. (N̄ke 15:28) Ntak mûnamke se ikemede nditịbe n̄wụt ke ini Utuakibuot Ubon man etịm idem ọnọ nsio nsio n̄kpọ-ata oro edisobode ke ufọkn̄wed ye ke an̄wautom?—1 Pet. 3:15.
3. Didie ke ndibuọt idem ye Jehovah ekeme ndin̄wam nnyịn ikan ndịk?
3 Buọt Idem ye Jehovah: N̄kpọ oro edin̄wamde nnyịn ikan ndịk edi ndiberi edem ke Abasi nnyịn. Jehovah ama ọn̄wọn̄ọ ke imọ iyan̄wam nnyịn. (Isa. 41:10-13) Nso ukpeme ke ikpenyene ikan oro? Ke adianade do, Jesus ama ọn̄wọn̄ọ ọnọ nnyịn nte ke idem edieke mme n̄kpọ ẹtịbede ke unana idotenyịn, ke edisana spirit Abasi ayan̄wam nnyịn inọ ikọ ntiense ke eti usụn̄. (Mark 13:11) Ntre, ben̄e Jehovah edisana spirit esie kpukpru ini.—Luke 11:13.
4. Nso edidiọn̄ ke inyene ke ndisịn ifịk ke an̄wautom kpa ye mme n̄kpọ-ata?
4 Mme Edidiọn̄: Nte isịnde ifịk ke an̄wautom kpa ye mme n̄kpọ-ata oro isobode, imesinyene odudu ndikan mme idomo ke ini iso uforo uforo. Imesinyene uko, kpa edu emi ẹkụtde ke idem mbon oro ẹnyenede spirit Abasi. (Utom 4:31) N̄ko n̄ko, nte Jehovah an̄wamde nnyịn ikan ndịk, nnyịn imesisọn̄ọ mbuọtidem nnyịn inyụn̄ iberi edem ke ubọk edinyan̄a esie. (Isa. 33:2) Nnyịn n̄ko imesikop idatesịt ye uyụhọ ke ini ifiọkde ke nnyịn ke inem Ete nnyịn eke heaven esịt. (1 Pet. 4:13, 14) Ẹyak nnyịn ndien ikûfehe ndịk nditan̄a etop Obio Ubọn̄ ye uko, inyenede mbuọtidem kpukpru ini nte ke Jehovah ayan̄wam nnyịn!