Usụn̄ Kiet Oro Ikemede Ndida Ediye Uduot Ekpri N̄wed Etop Bible Nnam N̄kpọ
Ediwak owo ke efakutom nnyịn, akpan akpan mmọ oro mîkaha ido ukpono Christendom, imeheke ye Bible. Ke ini ẹkpepde utọ mbon oro n̄wed Bible Ekpep, ndusụk mme asuanetop ẹmeda n̄ko ediye uduot ekpri n̄wed Etop Bible ẹn̄wam nditọ ukpepn̄kpọ mmọ ẹmehe ye Bible. Ke uwụtn̄kpọ, eyenete eren kiet esineme ikpehe 1 ke ediye uduot ekpri n̄wed emi ke ini enye ekpepde eyen ukpepn̄kpọ esie ibuot 3 ke n̄wed Bible Ekpep. Tọn̄ọ ke ibuot 3 ka iso, enye esineme ikpehe en̄wen ke utịt ukpepn̄kpọ kiet kiet. Ndi ke ekpep n̄kpọ ye owo oro enyenede esisịt ifiọk aban̄a Bible m̀mê oro mînyeneke-nyene? Man an̄wam enye ọfiọk ‘ndisana uwetn̄kpọ, emi ẹkemede ndinam enye enyene ọniọn̄ emi adade esịm edinyan̄a,’ kere ndineme ediye uduot ekpri n̄wed Etop Bible n̄kọrọ ye n̄wed Bible Ekpep ye enye.—2 Tim. 3:15.