Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke February

“Ndi emekere ke Abasi enyene esop mfịn, mîdịghe ndi ekere ke enye esinam n̄kpọ ye owo kiet kiet? [Bet ibọrọ.] Se mi se ẹtịn̄de ẹban̄a mbon emi Abasi akanamde ẹdi ikọt esie ediwak isua emi ẹkebede.” Kụbọde ka page 26 ke nsiondi Enyọn̄-Ukpeme eke February 1 nyụn̄ neme se idude ke idak akpa ekpri ibuotikọ oro ye enye, nyụn̄ kot ke nsụhọde n̄kaha itie N̄wed Abasi kiet oro ẹsiakde ẹsịn. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme February 1

“Ndi ememehe ye ikọ emi ‘Armageddon’? [Bet ibọrọ.] Se ebiet oro ‘Armageddon’ otode mi. [Kot Ediyarade 16:16, ekem bụp ete:] Afo ekere ke nso ke ikeme ndinam man ibọhọ Armageddon? [Bet ibọrọ. Ekem wụt enye ikpaedem magazine nyụn̄ dọhọ ete:] Magazine emi esịne mme ibọrọ oro Bible ọnọde ke mme mbụme emi.”

Awake! February

“Ediwak owo mfịn ẹsima ndineme nneme ye mbon en̄wen ke Intanet. Ndi afo emekere ke mme n̄kpọndịk ẹdu ke ndinyene nneme ke Intanet? [Bet ibọrọ.] Bible ọdọn̄ọ mme edumbet emi ẹkemede ndin̄wam nnyịn ibọhọ mme n̄kpọndịk emi ke Intanet. [Kụbọde ka page 6-9, neme kiet ke otu mme mbụme oro nyụn̄ kot kiet ke otu itie N̄wed Abasi oro ẹsiakde ẹsịn.] Magazine emi ayan̄wam fi ọfiọk onyụn̄ efep mme n̄kpọndịk oro ẹdude ke ndineme nneme ye mbon en̄wen ke Intanet.”