Ndi Akpana Ọnyọn̄?

Ke ini ndusụk mme asuanetop ẹwọrọde an̄wautom, enyene akpan ini oro mmọ ẹsimade ndinyọn̄, utọ nte uwemeyo. Nte ededi, idaha ndusụk owo ẹsinam mmọ ẹnyene akpan ini oro mmọ ẹnyọn̄de ke an̄wautom. Edi ndi afo esinyọn̄ n̄kukụre sia mbon eken ke otu an̄wautom mbufo ẹnyọn̄ọ, mîdịghe ndi esinyọn̄ sia edi ido ke edem mbufo ndisinyọn̄ ini oro? Ndi emekeme ndidian minit ifan̄ ke an̄wautom onyụn̄ anam an̄wan̄wa unọ ikọ ntiense, utọ nte unọ ikọ ntiense efak? Ndi emekeme ndinam mfiakn̄ka kiet m̀mê iba ke usụn̄ unyọn̄? Fiọk ete ke ekese ufọn ekeme ndidu edieke akade ebịne owo kiet efen oro enyenede udọn̄, mîdịghe ọnọde owo ke efak idem magazine iba. Edieke nnyịn mînyeneke akpan ntak oro akpanamde inyọn̄, ndisụk ndian minit ifan̄ edi usụn̄ kiet oro ikemede ndinam ekese ke ‘ndiwa uwa ekọm’ nnọ Abasi.—Heb. 13:15.