Ẹdisuan Mbụk Obio Ubọn̄ Nọ. 38 ke January!
1. Nso mbụme ke mme owo ẹsibụp ẹban̄a mme akpan̄kpa, ndien didie ke ẹdibọrọ mbụme emi ke ọfiọn̄ January?
1 N̄kpa ẹdi asua kpukpru owo inamke n̄kpọ m̀mê nso ke mmọ ẹnịm ke akpanikọ. (1 Cor. 15:26) Ediwak owo ẹsibụp m̀mê mme akpan̄kpa ẹdu m̀mọ̀n̄, n̄ko m̀mê mmimọ iyafiak ikụt mmọ. Ntem, ediwak esop ẹyeda ofụri ọfiọn̄ kiet ẹsuan Mbụk Obio Ubọn̄ Nọ. 38 emi ibuotikọ edide, Ndi Mme Akpan̄kpa Ẹkeme Ndifiak Ndu Uwem? Ẹditọn̄ọ san̄asan̄a ubịnikọt emi ke January 1. Ke ẹma ẹkekụre san̄asan̄a ubịnikọt emi, ẹdisinọ Mbụk Obio Ubọn̄ Nọ. 38 nte tract ke an̄wautom.
2. Didie ke ẹnam Mbụk Obio Ubọn̄ Nọ. 38?
2 Nte Ẹnamde Tract Emi: Ẹnam Mbụk Obio Ubọn̄ Nọ. 38 ke usụn̄ emi edikemede ndikpan̄ enye man ibuotikọ esie odu ke akpa page ẹnyụn̄ ẹkụt mme ikọ emi “Ndi ọkpọbọrọ . . . ih? ihih? ekeme ndidi?” kpa ke page oro. Ke ini owo okụbọrede Mbụk Obio Ubọn̄ emi, enye oyokut ibọrọ oro Bible ọnọde ke mbụme emi ibuotikọ oro obụpde, ye ufọn oro enye ekemede ndibọ nto mme un̄wọn̄ọ Bible emi. Enye oyokụt n̄ko mme ntak oro enye ekpenịmde se Bible etịn̄de. Ke edem Mbụk Obio Ubọn̄ oro, ẹbụp mbụme oro enye edikerede aban̄a, ẹnyụn̄ ẹsịn udọn̄ ẹnọ enye ndikpep n̄kpọ efen efen.
3. Didie ke ẹdisuan Mbụk Obio Ubọn̄ Nọ. 38?
3 Nte Ẹdisuande Enye: Ubịnikọt emi editie nte ubịnikọt oro ẹsidade ẹsuan n̄wedikot Editi ye n̄wedikot mbono district. Mbiowo ẹyenọ ndausụn̄ ke nte ẹdinamde utom ke ofụri efakutom, nte ẹwụtde ke leta April 1, 2013 oro mmọ ẹkebọde. Mme esop oro efakutom mmọ mîkponke ẹkeme ndin̄wam mme esop oro ẹdude ẹkpere mmọ, emi ẹnyenede akamba efakutom. Ke ini akade ndikemen Mbụk Obio Ubọn̄ Nọ. 38 emi edinọde, ti ete ke edimen sụk se afo edinọde ke an̄wautom ke urua kiet. Ke ini ubịnikọt emi, ẹkeme ndinọ Mbụk Obio Ubọn̄ emi ke ini ẹnamde an̄wan̄wa unọ ikọ ntiense ke ẹma ẹkesuan enye ke ufọk ke ufọk ke ofụri efakutom ẹma. Edieke ẹsuande kpukpru Mbụk Obio Ubọn̄ ẹma mbemiso ọfiọn̄ oro okụre, ẹkpenyene ndinọ n̄wed oro ẹnọde ke ọfiọn̄ oro. Ke akpa Saturday, nnyịn iditọn̄ọke ukpepn̄kpọ Bible nte isinamde, edi idinam san̄asan̄a ubịnikọt emi. Ke mme utịturua, nnyịn ikpenyene n̄ko ndinọ mme magazine ke ini odotde ẹnam ntre. Ndi amanam ndutịm man etiene abuana ọyọhọ ọyọhọ ke san̄asan̄a ubịnikọt emi?