Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke November

“Nnyịn ikpama ndifiọk se idide ekikere fo. Ẹkpetie fi didie ke idem edieke ọkpọfiọkde ete ke se ẹkpepde fi ẹban̄a Abasi edi nsu? [Bet ibọrọ.] Magazine emi eneme inem inem n̄kpọ ke ibuotikọ emi.” Ekem yak Enyọn̄-Ukpeme eke November 1 nọ enyeneufọk, nyụn̄ neme kiet ke otu ibuotikọ emi ẹdude ke page 4-6 ye enye. Kot ke nsụhọde n̄kaha kiet ke otu itie N̄wed Abasi oro ẹsiakde ẹsịn, nyụn̄ nam an̄wan̄a. Nọ magazine iba—Enyọn̄-Ukpeme ye Ẹdemede!—nyụn̄ diomi ndifiak n̄kenyene nneme ye enye. Ọkpọfọn obụp enyeneufọk mbụme oro enye edikerede aban̄a tutu afiak aka.

Enyọn̄-Ukpeme November 1

“Afo ekere ke nso idi ata akamba nsu oro mme owo ẹsude ẹdian Abasi? [Bet ibọrọ.] Bible ọdọhọ ke Abasi oyom mme owo ẹma ẹnyụn̄ ẹbuọt idem ye imọ. [Kot Isaiah 41:13.] Magazine emi ayarade nsu ita oro ẹsude ẹdian Abasi emi anamde ọsọn̄ ndusụk owo ndisan̄a n̄kpere enye.”

Ẹdemede! November–December

“N̄kpama ndikop ekikere fo ke mbụme emi: Ndi imekeme ndikop uyụhọ edieke nnyịn mînen̄ekede inyene n̄kpọ? [Bet ibọrọ.] Kop mi se Bible etịn̄de. [Kot 1 Timothy 6:8.] Magazine emi anam nnyịn ifiọk nte ikpesede inyene obụkidem onyụn̄ eneme akpan n̄kpọ ita oro okụk mîkemeke ndidep.” Wụt ibuotikọ oro odude ke page 12-15.