N̄wam Ubon Fo Ẹti Jehovah

Jehovah ama ọdọhọ Jeremiah etịn̄ ọnọ mme Jew ke iyosobo mmọ ke ntak emi mmọ ẹkefrede imọ. (Jer 13:25) Mmọ ẹketọtọn̄ọ didie tutu edi se ẹfrede Jehovah Abasi mmọ? Mmọ ẹma ẹtre ndinam se Abasi ọkọdọhọde mmọ ẹnam. Etie nte ibuotufọk ke Israel ikanamke se idude ke Deuteronomy 6:5-7.

Sia edide nsio nsio ubon ẹnam esop, mme ubon emi ẹmade Abasi ẹsinam esop ẹdiana kiet ẹnam n̄kpọ Abasi. Edieke ibuotufọk ẹsinịmde Utuakibuot Ubon kpukpru urua, mmọ ẹyenam ubon mmọ ẹti Jehovah. (Ps 22:27) Bre vidio emi ‘Yak Mme Ikọ Emi Ẹdu Fi ke Esịt’—Se Ubon Ẹdọhọde, ekem bụp mme mbụme emi:

• Nso ke ndusụk ubon ẹkenam man ẹkeme ndisinịm Utuakibuot Ubon kpukpru urua kpa ye oro mîkesimemke?

• Nso ufọn ke ndusụk ubon ẹbọ ke ntak emi mmọ ẹsinịmde Utuakibuot Ubon kpukpru urua?

• Nso isinam Utuakibuot Ubon ọsọn̄ mi, ndien nso ke n̄keme ndinam mban̄a emi?