Fep Mme N̄kpọ Iduọ Oro Ẹdude ke Intanet

NTAK EMI EDIDE AKPAN N̄KPỌ: Intanet etie nte ediwak n̄kpọ eken oro isidade inam n̄kpọ. Enye ekeme ndin̄wam owo, onyụn̄ ekeme ndisịn owo ke mfịna. Ndusụk nditọete nnyịn isidaha Intanet ineme nneme ye owo ndomokiet. Ndusụk ẹsida ẹneme nneme ye mbonubon mmọ ye mme ufan mmọ. Edi Devil oyom nnyịn ida Intanet inam n̄kpọ emi edibiatde nnyịn enyịn̄ onyụn̄ anam nnyịn itre ndidi ufan Jehovah. N̄wed Abasi ekeme ndin̄wam nnyịn ifiọk inyụn̄ ifep mme n̄kpọ iduọ emi ẹdude ke Intanet, kpa nte akan̄wamde Jesus ebe idomo.—Lu 4:4, 8, 12.

N̄KPỌ IDUỌ EMI IKPEFEPDE:

• Ndibiat ini n̄kaha ke Intanet. Edieke owo esidade ediwak hour eneme nneme ye mme owo ke Intanet, enye idinyeneke ini inam n̄kpọ Abasi

  Item Bible: Eph 5:15, 16; Php 1:10

• Ndise n̄kpọ emi mîfọnke. Ndisise oburobụt ndise ke Intanet ekeme ndinam emehe owo ndisise ndise idan̄ mîdịghe anam enye akanam use. Ndisikot se mbon mfiakedem ẹwetde ẹdọn̄ ke Intanet ekeme ndinam owo ọkpọn̄ Jehovah

  Item Bible: Mt 5:28; Php 4:8

• Ndiwet n̄kpọ emi mîfọnke nsịn ke Intanet m̀mê ndisịn idiọk ndise. Esịt ekeme ndibian̄a owo anam enye esịn ndise emi mîfọnke ke ikpehe Intanet emi ediwak owo ẹkemede ndikụt mîdịghe ewet n̄kpọ emi mîfọnke esịn. Emi ekeme ndibiat owo oro enyịn̄ mîdịghe anam mbon en̄wen ẹtuak ukot ẹduọ

  Item Bible: Ro 14:13; Eph 4:29

ẸSE VIDIO ORO KPEME SE ANAMDE KE INTANET, EKEM ẸNEME NTE ẸKEMEDE NDIFEP MME AFANIKỌN̄ ORO ẸWỤTDE MI