“Ẹka Iso Ẹkere Mme N̄kpọ Emi”

Nso n̄kpọ ke ikpekere? Philippi 4:8 ọdọhọ ikere n̄kpọ emi edide akpanikọ, odotde ẹtịm ẹkere, enende, asanade, edide se ẹmade, ọwọrọde eti etop, esịnede eti ido, onyụn̄ odotde itoro. Emi iwọrọke ke Christian ekpesikere ikọ Abasi kpọt kpukpru ini. Edi, akpana ikụt ite ke se ededi oro ikerede enem Jehovah esịt. Ikpanaha ikere n̄kpọ emi edinamde ọsọn̄ nnyịn ndinam se Abasi ọdọhọde inam.—Ps 19:14.

Isimemke nditre ndikere ndiọi n̄kpọ. Sia nnyịn mîfọnke ima, ana ika iso in̄wana man isikere nti n̄kpọ. Ana in̄wana n̄ko ye Satan emi edide “abasi editịm n̄kpọ emi.” (2Co 4:4) Sia edide Satan akara ererimbot emi, ediwak se ẹsisiode ke TV, se ẹbrede ke radio, se idude ke Intanet, ye ke n̄wed, ifọnke. Edieke nnyịn mîsatke-sat se isisede ye se ikotde, mme n̄kpọ oro ẹkeme ndinam isikere ndiọi n̄kpọ, ndien nte ini akade, imekeme ndinam idiọkn̄kpọ oro isikerede.—Jas 1:14, 15.

ẸSE VIDIO ORO KÛNAM N̄KPỌ EMI EDINAMDE FI ỌKPỌN̄ ABASI—NDIỌI N̄KPỌ EMI MME OWO ẸSIDADE ẸNEM IDEM ESỊT, EKEM ẸBỌRỌ MME MBỤME EMI:

• 

  Nso ke eyenete oro ekesise ke fon esie, ndien didie ke oro akafịna enye?

• 

  Didie ke Galatia 6:7, 8 ye Psalm 119:37 ẹken̄wam enye?