MME AKPAN N̄KPỌ KE IKỌ ABASI | EXODUS 10-11

Moses ye Aaron Ẹma Ẹnen̄ede Ẹnyene Uko

10:3-6, 24-26, 28; 11:4-8

Moses ye Aaron ẹma ẹnen̄ede ẹnyene uko ke ini mmọ ẹketịn̄de ikọ ye Pharaoh, emi ọkọsọn̄de odudu akan ke ererimbot ini oro. Nso ikanam mmọ ẹnyene uko ntre? Kop se Bible etịn̄de mi aban̄a Moses: “Oto mbuọtidem enye ọkpọn̄ Egypt, edi ifeheke iyatesịt edidem, koro enye ọsọn̄ọde ada nte n̄kpọ eke okụtde Enye emi enyịn owo mîkwe.” (Heb 11:27) Moses ye Aaron ẹma ẹnen̄ede ẹbuọt idem ye Jehovah ẹnyụn̄ ẹnịm ke enye ayan̄wam mmimọ.

Nso ye nso ikeme nditịbe oro oyomde enyene uko etịn̄ se enịmde ọnọ owo emi akamade akamba itie?

Nsio nsio ndise: Mme n̄kpọ emi ẹtịbede, oro oyomde inyene uko. 1. Eyen emi itieneke nditọ ufọkn̄wed mmọ ikọm ọfọn̄ etakubom. 2. Eyenete emi ada ke iso mbon esopikpe. 3. Ekpri eyenete emi ọnọ owo tract ke an̄wautom ndien bodisi ke ese enye.