Da Ini ye Odudu Fo Nam Utom Jehovah

Nte Isaiah eketịn̄de, ediwak owo ke ẹdụk esop Abasi. (Isa 54:2) Emi owụt ke oyom ẹbọp mbufa Ufọkmbono Obio Ubọn̄, Itie Mbono, ye n̄kọk itieutom. Ke ini ẹbọpde mme ufọk emi ẹma, esiyom ẹse ẹban̄a mmọ ẹnyụn̄ ẹdiọn̄ ndusụk. Didie ke ikpada ini ye odudu nnyịn in̄wam ke utom emi?

• Imekeme nditiene nnam Ufọkmbono Obio Ubọn̄ asana ke ini ẹdọhọde otu an̄wautom nnyịn ẹnam ntre

• Imekeme ndidọhọ ẹkpep nnyịn ndidiọn̄ ndusụk n̄kpọ oro abiarade ke Ufọkmbono Obio Ubọn̄ nnyịn

• Imekeme ndiwet n̄kpọ nyọhọ fọm Local Design/Construction Volunteer Application (DC-50) man iwụt ke imenyịme ẹkot nnyịn ini ekededi oro ẹbọpde m̀mê ẹdiọn̄de ufọk esop Abasi oro odude ekpere nnyịn

• Imekeme ndiwet n̄kpọ nyọhọ fọm Application for Volunteer Program (A-19) man iwụt ke imenyịme ndikan̄wam urua kiet m̀mê akande oro ke Bethel m̀mê ke ebiet en̄wen emi esop Abasi ẹdinọde nnyịn ika

ẸSE EKPRI VIDIO EMI ẸDADE ẸTO VIDIO ORO OBUFA N̄KPỌ EMI ESOP ABASI ẸDUAKDE NDIBỌP, EKEM ẸBỌRỌ MME MBỤME EMI:

• Didie ke esop Abasi ẹnen̄ede ẹda vidio ẹkpep mme owo n̄kpọ ọtọn̄ọde ke 2014 ẹkan nte ẹkesinamde akpa?

• Nso ke esop Abasi ẹduak ndibọp man ikeme ndision̄o vidio n̄kan nte ision̄ode idahaemi, ndien ini ewe ke utom oro editọn̄ọ inyụn̄ ikụre?

• Didie ke ikeme nditiene n̄n̄wam ke utom emi?

• Edieke nditọete oro ẹdụn̄de ke United States ẹyomde nditiene n̄n̄wam mbọp ufọk emi ke Ramapo, ntak emi oyomde mmọ ẹwet n̄kpọ ẹyọhọ fọm DC-50, ẹnyụn̄ ẹtiene mbon LDC ẹn̄wam ke utom ke ini mmọ ẹbọpde ufọk ẹkpere ebiet oro mmọ ẹdụn̄de?

• Nso iwụt ke Jehovah an̄wam nnyịn ke utom emi?

• Didie ke ikeme nditiene n̄n̄wam ke utom oro, ọkpọkọm nnyịn ikemeke nditiene n̄kọbọp ufọk oro?