Wụt ke Amama Nte Jehovah Esitụnọde Owo

Ke ini ẹsiode owo ẹfep ke esop, ntụnọ ke ẹnọ enye oro. N̄ko, ndisio owo mfep isiyakke owo oro esịne asabade esop Abasi. (1Co 5:6, 11) Ntre, ke ini inamde n̄kpọ ye owo emi ẹsiode ẹfep nte Jehovah ọdọhọde inam, oro owụt ke imenyene ima. Anam didie edi ntre ke ini edide ẹma ẹsio owo ẹfep ke esop esibabiak kpukpru owo, esịnede mbonubon esie ye mbiowo oro ẹkekpede ikpe esie?

Akpa kan̄a, iwụt ke imama Jehovah, ima se enye amade, inyụn̄ iyomke ndida ndọk nyet edisana enyịn̄ esie. (1Pe 1:14-16) Iwụt n̄ko ke imama owo oro ẹkesiode ẹfep do. Kpa ye oro esibiakde nnyịn ke ini ẹtụnọde owo, Bible owụt ke ntụnọ esinyene ufọn. (Heb 12:5, 6, 11) Edieke ikade iso idian idem ye owo emi ẹkesiode ẹfep m̀mê owo emi ọkọkpọn̄de esop ke idemesie, nnyịn iyakke ntụnọ Jehovah enyene ufọn. Ti ke Jehovah esitụnọ ikọt esie “ke udomo oro odotde.” (Jer 30:11) Imodori enyịn ke owo oro ayafiak etiene Jehovah sia enye edi Abasi mbọm. Edi kan̄a ke emi, ana inam n̄kpọ ye enye nte Jehovah ọdọhọde inam, inyụn̄ inam ofụri se ikemede man ika iso ikpere Jehovah.—Isa 1:16-18; 55:7.

ẸSE VIDIO ORO MỤM NSỌN̄ỌNDA FO KAMA YE ESỊT KIET, EKEM ẸBỌRỌ MME MBỤME EMI:

• 

  Esitie ete ye eka didie ke ini eyen mmọ ọkpọn̄de Jehovah?

• 

  Didie ke nditọete ẹkeme ndin̄wam ubon owo oro ẹsiode ẹfep ke esop?

• 

  Ewe mbụk Bible owụt ke oyom ima Jehovah ikan nte imade mbonubon nnyịn?

• 

  Didie ke ikeme ndiwụt ke imama Jehovah ikan mbonubon nnyịn?