Mme Uyen—Ẹsitịn̄ Nte Etiede Mbufo ke Idem Ẹnọ Ete ye Eka Mbufo

Ntak emi ekpesitịn̄de nte etiede fi ke idem ọnọ ete ye eka fo? (N̄ke 23:26) Sia Jehovah ọdọhọ mmọ ẹse ẹban̄a fi ẹnyụn̄ ẹteme fi se akpanamde. (Ps 127:​3, 4) Ọyọsọn̄ mmọ ndin̄wam fi edieke mûsutịn̄ke se ifịnade fi unọ mmọ. N̄ko, oro idiyakke mmọ ẹda ifiọk emi mmọ ẹnyenede ẹn̄wam fi. Edi, ndi ọdiọk nditre nditịn̄ ndusụk n̄kpọ nnọ ete ye eka fo? Idiọkke, ama akam edi udịpke mmọ n̄kpọ emi akpanade mmọ ẹdiọn̄ọ.​—N̄ke 3:32.

Didie ke afo ekeme ndineme nneme ye ete ye eka fo? Mek ini emi edifọnde ye afo onyụn̄ ọfọnde ye mmọ. Edieke edisọn̄de fi ndinam oro, emekeme ndiwet owo mmọ kiet leta etịn̄ nte etiede fi ke idem. Nso ke akpanam edieke mmọ ẹyomde ndineme n̄kpọ emi afo mûmaha? Ti ke mmọ ẹyom ndin̄wan̄wam fi. Kûda ete ye eka fo nte mme asua fo, kam da mmọ nte mme ufan fo. Edieke odomode ndisitịn̄ nte etiede fi ke idem nnọ ete ye eka fo, ayadia ufọn idahaemi ye ke nsinsi!​—N̄ke 4:​10-12.

ẸSE VIDIO ORO KE INI UYEN MI​—DIDIE KE N̄KPENEME NNEME YE ETE YE EKA MI? EKEM ẸBỌRỌ MME MBỤME EMI:

• 

  Nso ke Esther ye Partik ẹkedidiọn̄ọ?

• 

  Nso ke ekeme ndikpep nto Jesus?

• 

  Nso ke ete ye eka fo ẹnam ndiwụt ke mmọ ẹkere ẹban̄a fi?

• 

  Mme item Bible ewe ẹkeme ndin̄wam fi ọdiọn̄ọ nte ekpesinemede nneme ye ete ye eka fo?