N̄wam Nditọ Ukpepn̄kpọ Bible Fo Ẹtre N̄kpọ Emi Abasi Asuade

Sụk mbon emi ẹdude eti uwem ẹkeme ndidi ufan Jehovah. (1Pe 1:​14-16) Nditọ ukpepn̄kpọ Bible nnyịn ẹma ẹtre idiọkn̄kpọ emi mmọ ẹsinamde, ubon mmọ ẹyenem, mmọ ididọn̄ọke ndusụk udọn̄ọ, idinyụn̄ ibiatke okụk ntịme ntịme.

Nen̄ede nam mbon emi afo esikpepde Bible ẹfiọk se Jehovah amade ye se enye asuade. N̄wam mmọ ẹkụt ntak emi Jehovah amade m̀mê asuade n̄kpọ oro. Nyụn̄ nam mmọ ẹkụt ufọn emi mmọ ẹdidiade mmọ ẹkpedu uwem nte Jehovah ọdọhọde. N̄wam mmọ ẹkpụhọde nte mmọ ẹsikerede n̄kpọ. Mmọ ẹma ẹnam oro, mmọ ẹyetọn̄ọ ndidu uwem nte Jehovah ọdọhọde. (Eph 4:​22-24) Nam mmọ ẹdiọn̄ọ ke Jehovah ekeme ndin̄wam mmọ ẹtre ndiọi edu emi ama ekemehe mmọ. (Php 4:13) Kpep mmọ ndisiben̄e Jehovah an̄wam mmọ ini ekededi oro idiọkn̄kpọ ọdọn̄de mmọ. Nam mmọ ẹdiọn̄ọ nsio nsio idomo emi ẹkemede ndisịm mmọ ye nte mmọ ẹkemede ndifep idomo oro. N̄wam mmọ ẹsikam ẹda ini mmọ ẹnam se idin̄wamde mmọ ẹkpere Abasi utu ke ndinam n̄kpọ emi edidian̄arede mmọ ikpọn̄ Abasi. Esinen̄ede enem nnyịn ndikụt nte Jehovah an̄wamde nditọ ukpepn̄kpọ Bible nnyịn ẹtre ndinam n̄kpọ emi enye asuade.

ẸSE VIDIO ORO N̄WAM MBON ORO AFO ESIKPEPDE BIBLE ẸTRE N̄KPỌ EMI ABASI ASUADE, EKEM ẸBỌRỌ MME MBỤME EMI:

• 

  Didie ke mbiowo ye Anita ẹkewụt ke imenịm ke Jenny ekeme ndikpụhọde?

• 

  Didie ke Anita akaka iso an̄wam Jenny?

• 

  Didie ke Jenny okowụt ke imoyom Jehovah an̄wam imọ?