N̄wam Nditọ Ukpepn̄kpọ Bible Fo Ẹdi Mme Ata Ufan Jehovah

Jehovah oyom nnyịn ikpono imọ ke ntak emi imade imọ. (Mt 22:​37, 38) Edieke nditọ ukpepn̄kpọ Bible nnyịn ẹmade Abasi, oro ayanam mmọ ẹkpụhọde nte mmọ ẹdude uwem ẹnyụn̄ ẹsọn̄ọ ẹda ke ini ẹdomode mmọ. (1Jo 5:3) Ima oro edinam mmọ ẹyom ndina baptism.

N̄wam nditọ ukpepn̄kpọ Bible fo ẹkụt ke Abasi ama mmọ. Bụp mmọ utọ mbụme nte: “Nso ke emi ekpep fi aban̄a Jehovah?” m̀mê “Didie ke emi owụt ke Abasi ama fi?” Nam mmọ ẹkụt nte Jehovah an̄wamde mmọ. (2Ch 16:9) Tịn̄ nsio nsio usụn̄ emi Jehovah ọkọbọrọde akam fo nọ mmọ, nyụn̄ dọhọ mmọ ẹsikama enyịn ẹse nte Abasi ọbọrọde akam mmọ. Esịt esinen̄ede enem nnyịn ke ini nditọ ukpepn̄kpọ Bible nnyịn ẹkụtde ke Jehovah ama mmimọ, mmọ ẹnyụn̄ ẹma enye n̄ko. Oro esinam mmọ ẹyom ndidi ufan esie.

ẸSE VIDIO ORO N̄WAM MBON ORO AFO ESIKPEPDE BIBLE ẸDI MME ATA UFAN JEHOVAH, EKEM ẸBỌRỌ MME MBỤME EMI:

• 

  Nso utọ idomo ke Jenny okosobo?

• 

  Didie ke Anita akan̄wam Jenny?

• 

  Didie ke Jenny ekebe idomo oro?