Tọn̄ọ Idahaemi Ben̄e Idem Man N̄kpọ Ekpetịbe Emi Anamde Ẹsọsọp Ẹmen Fi Ẹka Ufọkibọk

Ntak ọfọnde eben̄e idem? N̄kpọ ekeme nditịbe ini ekededi emi ediyomde ẹsọsọp ẹmen nnyịn ẹka ufọkibọk. Ntre, ọfọn itọn̄ọ idahaemi inam se ikekeme man edieke utọ n̄kpọ oro etịbede, ẹkpediọn̄o utọ usọbọ emi ẹnọde nnyịn. Edieke inamde emi, iwụt ke nnyịn idaha uwem ye ibet Abasi emi aban̄ade iyịp ibre mbre.​—Ut 15:28, 29.

Nso ke akpanam man eben̄e idem?

• Nen̄ede bọn̄ akam nọ Jehovah nyụn̄ kere ọfọn mbemiso ewetde n̄kpọ ọyọhọ kad Durable Power Of Attorney (DPA).a Mme asuanetop emi ẹma ẹkena baptism ẹkeme ndidọhọ eyenete emi esede aban̄a n̄wed ọnọ mmimọ kad (DPA) emi, ẹnyụn̄ ẹbọ Identity Card (ic) ẹnọ n̄kpri nditọ mmọ emi mîyọhọke isua 18

• Edieke asan̄ade ye idịbi, dọhọ mbiowo esop mbufo ẹnọ fi fọm Se Ẹtịn̄de Ẹnọ N̄wan Emi Oyomode Idịbi (S-401). Fọm emi ayan̄wam fi ebiere se edinamde edieke mfịna odude ke ini idịbi oro m̀mê ke ini oyomde ndiman eyen

• Edieke ọdiọn̄ọde ke usọbọ emi ẹdinọde fi ekeme ndiyom ẹsịn fi iyịp m̀mê odu ke ufọkibọk ebịghi esisịt, babak nam mbiowo esop mbufo ẹdiọn̄ọ nyụn̄ nam mbon ufọkibọk oro ẹdiọn̄ọ ke ebiowo mmimọ eyedi edise imọ

Didie ke mbiowo ẹkeme ndin̄wam? Mmọ ẹkeme ndin̄wam fi ewet n̄kpọ ọyọhọ kad DPA fo. Edi, mbiowo idibiereke utọ usọbọ emi afo edibọde idinyụn̄ itịn̄ke se mmọ ẹkpemade m̀mê se mmọ mîkpamaha ke n̄kpọ emi akpanade afo ebiere ke idemfo. (Ro 14:12; Ga 6:5) Ama ọdọhọ mbiowo esop mbufo ke ekeme ndidi usọbọ emi ẹdinọde fi oyoyom ẹsịn fi iyịp, mmọ ẹyesọsọp ẹtịn̄ ẹnọ mbon Kọmiti Unyene Nneme ye Mbon Ufọkibọk (HLC) man mmọ ẹdin̄wam fi.

Didie ke mbon HLC ẹkeme ndin̄wam? Ẹkpep mbon HLC nte mmọ ẹkemede ndin̄wam mme dọkta ye mme ekpeibet ẹdiọn̄ọ se Mme Ntiense Jehovah ẹdinamde ye se mmọ mîdinamke ye iyịp. Mmọ ẹkeme ndineme nsio nsio usụn̄ en̄wen emi ẹkemede ndisọbọ owo idem owo isịnke iyịp. Edieke oyomde, mmọ ẹkeme ndin̄wam fi nyom dọkta emi edinyịmede ndisọbọ fi idem isịnke iyịp.

ẸSE VIDIO ORO SE IDIN̄WAMDE FI ỌFIỌK SE EKPEBIEREDE KE N̄KPỌ ABAN̄ADE IYỊP, EKEM ẸBỌRỌ MME MBỤME EMI:

• Nso ke ekpep ke vidio oro, emi ekemede ndin̄wam fi eben̄e idem man edieke n̄kpọ etịbede emi oyomde ẹsọsọp ẹmen fi ẹka ufọkibọk?

  textarea-1