Obufa Ndutịm Ndin̄wam Nnyịn Ibet Iyịp

Otu Ukara enyịme ete ẹda mme akpan n̄kpọ ẹtode babru Durable Power of Attorney (DPA) ye kad Advance Medical Directive/Release ẹsịn ke n̄wed kiet, emi nnyịn idikotde kad DPA.

Owo idikpụhọke kad DPA kpukpru isua, ndien ẹdida se afo ewetde nte mme n̄kpọ emi afo oyomde ẹnam ke ini akade isan̄ ke ebiet ekededi. Ke ini iso, afo ekpenyene ndiwet n̄kpọ nyọhọ obufa kad DPA edieke (1) oyomde ndikpụhọde n̄kpọ ekededi ke kad DPA fo, utọ nte edikpụhọde se afo ekewetde, anditịn̄ ikọ ke ibuot fo, adres, ye nọmba urụk ukopikọ, m̀mê (2) kad DPA fo osopde m̀mê abiarade.

Ẹkpenyene ndibọn̄ akam nyom ndausụn̄ mbemiso ẹwetde n̄kpọ ẹyọhọ kad DPA nnyụn̄ ntịn̄ enyịn nnam emi ke ufọk. Nte ededi, mbemiso ẹsịnde ubọk ke kad emi, enen̄ede oyom ẹtiene mme n̄kpọ oro ibet oyomde. Ke uwụtn̄kpọ, edieke ẹyomde ntiense iba ẹkụt nte afo esịnde ubọk ke kad fo, mmọ ẹkpenyene ndidu ke ini afo esịnde ubọk ke kad emi. Ke ini ke ini, mme esenyịn ukpepn̄kpọ n̄wed ẹkeme ndibụp mbon oro mîwetke n̄kpọ iyọhọ mbufa kad mmọ man ọfiọk m̀mê ẹyom un̄wam.

Mbemiso ofụtde kad DPA oro, fiak mịn̄ idem efen nte ọfọnde man ọnọ anditịn̄ ikọ ke ibuot fo mban̄a usọbọidem, udiana anditịn̄ ikọ ke ibuot fo, ye abiausọbọ, nyụn̄ sịn ke n̄kpọ udọn̄ akpan n̄wed fo. N̄ko, afo emekeme ndiyom ndinọ mbonubon ye ewetn̄wed esop. Ẹkpenyene ndimịn̄ edem kad DPA kiet ke ufọt ufọt babru oro mîkprike ikan kad DPA. Afo ekpenyene ndikama akpasarade kad DPA, idịghe enye oro ẹfiakde-fiak ẹmịn̄.

Owo ikpụhọke Identity Card oro ẹkemịn̄de ke 3/99 ẹnọ nditọ Mme Ntiense oro mînaha baptism. Mme ete ye eka ẹkpenyene ndikụt nte ke ẹtịm ẹwet n̄kpọ ẹyọhọ ẹnyụn̄ ẹsịn ubọk ke kad kiet kiet oro ẹnọde n̄kpri nditọ mmọ, n̄ko ke nditọ mmọ ẹkama kad emi ke ini oro odotde.

Mme asuanetop oro mînaha baptism ẹkeme ndision̄o se ẹwetde ke kad DPA ye Identity Card n̄wet man ẹnọ mme ndausụn̄ ke orụk usọbọidem oro mmọ ye nditọ mmọ ẹyomde. Ewetn̄wed ekpenyene ndinọ kpukpru mbufa mme asuanetop oro ẹnade baptism ke isua emi kad DPA.