Mme Ndutịm Ndin̄wam Nnyịn Ndibet Iyịp

Mme asuanetop oro ẹma ẹkena baptism emi ẹkewetde n̄kpọ ẹyọhọ kad Advance Medical Directive/Release m̀mê Identity Card oro owo mîwetke ọfiọn̄ ye isua oro ẹkemịn̄de m̀mê oro ẹkemịn̄de ke 3/99 inyeneke ndiwet n̄kpọ nyọhọ obufa kad isua emi. Kaban̄a Esoputom eke urua December 29, akpana ewetn̄wed enyene kad emi awak ekem ndinọ mme asuanetop oro ẹnade baptism obufa, nditọ mmọ, ye mbon oro ẹdiyomde ẹkpụhọ eke mmimọ. Ẹnọ mme kad emi ẹsọk mme esop. Edieke esop mînyeneke kad oro ekem, ewetn̄wed ekeme ndibọ nto mme esop oro ẹdude ẹkpere m̀mê nditobo kad efen efen ke ini esop edifiakde otobo n̄wed.

Ẹkpenyene nditịn̄ enyịn n̄wet n̄kpọ nyọhọ kad emi ke ufọk edi OWO INYENEKE ndisịn ubọk. Ke Ukpepn̄kpọ N̄wed Esop en̄wen, ẹkpenyene ndisịn ubọk ke mme kad emi, ẹtie ntiense, ẹnyụn̄ ẹsịn usenọfiọn̄ ye un̄wam esenyịn ukpepn̄kpọ n̄wed ke ebiet ẹyomde. Mbon oro ẹsịnde ubọk nte mme ntiense ẹkpenyene ndinen̄ede n̄kụt nte andinyene kad esịnde ubọk ke kad oro.

Mme asuanetop oro mînaha baptism ẹkeme ndiwet uduak mmọ ye eke nditọ mmọ ebe ke ndiwet se isịnede ke kad Advance Medical Directive/Release ye Identity Card.