Da Akpa Page JW.ORG Kwọrọ Ikọ

Ẹdọn̄ mme ibuotikọ ye Vidio emi mbon oro ẹmade ikọ Abasi ẹdimade ke akpa page jw.org. (Ut 13:48) Ẹsidọn̄ mme ibuotikọ emi aban̄ade mbụk n̄kpọntịbe m̀mê se mme owo ẹkerede.

Didie ke ekeme ndida akpa page jw.org n̄kwọrọ ikọ?

• Sise se ẹdọn̄de do kpukpru ini. Diọn̄ọ se ẹdọn̄de mbufa nyụn̄ se m̀mê edi se adade an̄wam owo emi amade Ikọ Abasi. (Edieke oyomde ndikụt mme ibuotikọ ye vidio emi ẹkedọn̄de ke akpa page jw.org, fịk ebiet emi okụtde “Se N̄kpọ En̄wen Mi.”) Edieke ọdiọn̄ọde kpukpru se ẹdọn̄de ke ikpehe Intanet nnyịn, oro ayan̄wam fi enyene nsio nsio usụn̄ emi adade ọkwọrọ ikọ.

• Da mme ibuotikọ ye vidio oro ẹdọn̄de ke akpa page jw.org tọn̄ọ nneme. Se ẹdọn̄de do ekeme ndin̄wam nnyịn idiọn̄ọ se mme owo ke efakutom nnyịn ẹkerede.

• Wụt mme owo akpa page jw.org. Wụt enye mme ibuotikọ emi enye edimade ke ikpehe oro ẹkotde Mek Ibuotikọ Emi Amade, nyụn̄ wụt enye nte ẹkemede ndidụk ikpehe Intanet nnyịn.

• Nọ enye link. Ndusụk owo isimaha ndikop ukwọrọikọ nnyịn iso ye iso, edi ẹsima ndidụk ikpehe Intanet nnyịn. Ntre sima ndinọ link ibuotikọ m̀mê vidio emi odude ke akpa page jw.org ẹsọk owo emi amade ikọ Abasi nnyịn.