Se Idin̄wamde Fi Okụt Se Oyomde ke JW.ORG

Nte Okpokụtde Mme Ibuotikọ Emi Ẹkedude ke Akpa Page JW.ORG

Ediwak nditọete nnyịn ẹsida mme ibuotikọ ke akpa page jw.org ẹkwọrọ ikọ. Isisọn̄ke ndinọ owo ke e-mail, mmọ ẹsinyụn̄ ẹwak nditịn̄ nte se itịbede ke ererimbot idahaemi ẹsude prọfesi Bible. Brọda kiet ọkọdọhọ ke mme ibuotikọ oro “ẹn̄wam akpan akpan ke nte ikwọrọde ikọ idahaemi.”

Edi esidi anam anam ẹkpụhọ mme ibuotikọ oro. Akpanam didie okụt mbon emi mîdụhe do aba?

• Ke akpa page jw.org, fịk “Se N̄kpọ En̄wen Mi,” emi odude ekpere enyọn̄ enyọn̄ page oro. Ekpedi ada fon odụk, edikụt enye ke idak mme ibuotikọ emi ẹdude ke “Se Idude.” Ama efịk do, edimen fi aka ikpehe emi ẹkotde “Mme Ibuotikọ Emi Ẹkedọn̄de Ndondo Emi ke Akpa Page.” Do ke edikụt ediwak ibuotikọ emi ẹkedọn̄de ndondo emi ke akpa page oro.

• Ke jw.org, ka “Se Ẹdọn̄de” kefịk “Nsio Nsio Ibuotikọ,” ekem fịk “Mme Ibuotikọ En̄wen.” Ke JW Library^®, ka “Library” kefịk “Article Series” ekem fịk “Mme Ibuotikọ En̄wen.” Ediwak ibuotikọ emi ẹma ẹkedodu ke akpa page jw.org ẹdu do.