GEORGIA
Mma Nnen̄ede Nyom Ndikpụhọde
Davit Samkharadze
AKAMANA KE 1967
AKANA BAPTISM KE 1989
Enye ekedi esenyịn emi asan̄ade-san̄a. Ke 2013, ẹma ẹmek enye andikpep ke ufọkn̄wed esop Abasi.
ẸMA ẹdọhọ mi ndika ekọn̄ ke 1985, ke ini n̄kedide isua 18. Ukwan̄ikpe ye ufịk emi n̄kokụtde ke otu mbonekọn̄ ama anam ndọhọ idem mi nte: ‘Nyomke nditie nte mmọ. Mmọn̄ n̄kpụhọde.’ Edi ndusụk ini n̄kesikemeke ndinam nti n̄kpọ emi ọkọdọn̄de mi ndinam. Mma nnen̄ede nyom ndikpụhọde.
Ke ini oro ẹkenọde mi ẹte nnam utom ekọn̄ ama okokụre, mma nnyọn̄ ufọk. Ke mma n̄kọnyọn̄ udia uwem ndi okoneyo usen kiet, mma mbọn̄ akam mben̄e Abasi nte an̄wam mi n̄kpụhọde. Ke ini n̄kakade utom edem usen oro, mma n̄waha ufọk eyeneka ete mi emi ekedide Ntiense Jehovah. Mma n̄kụt nte Mme Ntiense Jehovah ifan̄ ẹsopde idem ke ufọk esie ẹkpep Ikọ Abasi. Nte mmọ ẹkedarade mi ama anam nsụhọde ntie n̄kpan̄ utọn̄.
Mma nnyịme ẹtiene ẹkpep mi Bible. Ke mma n̄kekpep Bible ọfiọn̄ itiokiet, mma nna baptism. N̄kpekemeke ndikpụhọde ntem ekpedi Jehovah ikan̄wamke mi.