Nsọn̄ọn̄kpọ​—Se Obio Ubọn̄ Abasi Edinamde

Imemke inọ ata ediwak owo ke ofụri ererimbot ndinyene se ẹdade ubọk ẹka inua, ndien edi nte eyo esierede ntre ke ọdiọk enyịn.

• Ndụn̄ọde oro ẹnamde ndondo emi ke ofụri ererimbot,a owụt ke okụk oro ẹkpede mme owo ikemke se mmọ ẹdade ẹse ẹban̄a idemmọ aba. Ndụn̄ọde oro owụt n̄ko ke edieke owo mîsọpke-sọp inam n̄kpọ iban̄a, ke ukpụhọde eyenen̄ede odu ke ufọt mme imọ owo ye mme ubuene, ndien ke ata ediwak ubon idinyeneke se ẹdade ẹdu uwem.

Ndi enyene se ukara ẹkemede ndinam mban̄a mfịna emi, mîdịghe ndi mmọ ẹyekeme ndikọk mfịna emi?

Bible etịn̄ ke odu ukara emi ekemede ndinam nsọn̄ọn̄kpọ etre ndien ke enye oyonyụn̄ anam, esịnede ndinam kpukpru owo ẹdi ukem. Bible ọdọhọ ete “Abasi enyọn̄ oyowụk obio ubọn̄,” ndien obio ubọn̄ oro edise iban̄a kpukpru se ikade iso ke isọn̄. (Daniel 2:44) Ke obio ubọn̄ oro, Abasi idikpọn̄ke idinyụn̄ ifreke owo ndomokiet. (Psalm 9:18) Obio Ubọn̄ Abasi ọyọnọ kpukpru mbon oro enye edikarade se mmọ ẹyomde man ẹkop inem uwem. Kpukpru owo ẹyedia ufọn utom ubọk mmọ.​—Isaiah 65:21, 22.