Jesus Ayanam Ekọn̄ Etre

Jesus ama owụt ke imenen̄ede ima mme owo ini enye okodude ke isọn̄ tutu enye enyịme ndikpa ke ibuot nnyịn. (Matthew 20:28; John 15:13) Jesus ọmọn̄ afiak owụt nte imọ imade mme owo ke ndida odudu emi Abasi ọnọde enye nte Edidem Obio Ubọn̄ Abasi nnam “ekọn̄ etre tutu esịm utịt isọn̄.”​—Psalm 46:9.

Se nte Bible obụkde se Jesus edinamde:

•  “Enye ayanyan̄a ubuene emi esemede oyom un̄wam, ye owo ukụt ye owo ekededi emi mînyeneke andin̄wam. Enye ayatua usụhọde owo ye ubuene mbọm, oyonyụn̄ anyan̄a ukpọn̄ mme ubuene. Enye ayafak ukpọn̄ mmọ osio ke ufịk ye afai.”​—Psalm 72:12-14.

Nso ke ikpanam ndiwụt ke imama kpukpru se Jesus anamde ọnọ nnyịn ye se enye edinamde ke ini iso? N̄kpọ kiet emi ikemede ndinam edi ndikpep n̄kpọ en̄wen en̄wen mban̄a “eti mbụk obio ubọn̄ Abasi,” sia se Jesus ekesikwọrọde edi oro. (Luke 4:43) Kot ibuotikọ emi “Nso Idi Obio Ubọn̄ Abasi?”