Ekpeberi Edem ke Anie?​—Nso ke Bible Etịn̄?

Esịt isinemke mme owo ke ini mbon oro mmọ ẹberide edem ẹtọde mmọ edem ke isọn̄. Ediwak owo ibuọtke idem aba ye . . .

• ikpọ mbon pọlitịks emi ẹsikerede ẹban̄a idemmọ kpọt ikereke iban̄a mbon en̄wen.

• mbon mbụk n̄kpọntịbe oro mîmaha nditịn̄ ofụri akpanikọ ke se mmọ ẹdọn̄de ke mbụk mmọ.

• ntaifiọk emi mîdọn̄ke enyịn ke se ifịnade mme owo.

• ikpọ mbon ufọkabasi emi ẹsịnde ibuot ẹsịn itọn̄ ke n̄kpọ pọlitịks utu ke ndinam mme owo ẹdiọn̄ọ Abasi.

Ọfọn nte mme owo ẹkpemede-kpeme mbon oro mmọ ẹberide edem. Bible odụri nnyịn utọn̄ ete:

• ‘Mbufo ẹkûbuọt idem ye mbọn̄, emi edinyan̄a mîdụhe mmọ ke ubọk.’—Psalm 146:3.

Owo emi ekemede ndiberi edem

 Bible anam idiọn̄ọ owo emi ekemede ndiberi edem. Owo oro edi Jesus Christ. Jesus ikedịghe sụk eti owo emi okodude uwem ediwak isua oro ẹkebede. Abasi ama emek Jesus ‘akara nte Edidem, ndien Obio Ubọn̄ esie idinyụn̄ inyeneke utịt.’ (Luke 1:32, 33) Jesus edi Edidem Obio Ubọn̄ Abasi, ndien enye ke akara idahaemi ke heaven.​—Matthew 6:10.

• Okpoyom ndidiọn̄ọ ntak oro ọkpọbuọtde idem ye Jesus, kot mme ibuotikọ emi “Anie Edi Edidem Obio Ubọn̄ Abasi?” ye “Nso ke Obio Ubọn̄ Abasi Edinam?”