Ndi Mme Ntiense Jehovah Ẹsibọ Usọbọ?

Ih, Mme Ntiense Jehovah ẹsida ibọk ẹnyụn̄ ẹbọ usọbọ. Okposụkedi emi isisede iban̄a idem nnyịn inyụn̄ idomode ndikop nsọn̄idem, ndusụk ini ‘imesiyom dọktọ.’ (Luke 5:31, Easy-to-Read Version) Se idude edi ke ndusụk Mme Ntiense Jehovah ẹdi dọktọ nte Luke emi ekedide Christian ke eyo mme apostle ekedide.—Colossae 4:14.

Edi ndusụk usọbọ ikemke ye se Bible ẹkpepde, ndien nnyịn isibọhọ utọ usọbọ oro. Ke uwụtn̄kpọ, nnyịn isisịnke iyịp ke idem koro Bible akpan owo ndisịn iyịp man odu uwem. (Utom 15:20) Bible akpan n̄ko usọbọ m̀mê usụn̄ usọbọidem emi enyenede n̄kpọ ndinam ye ubụpekpo.​—Galatia 5:19-21.

Ediwak usọbọ ẹdu emi mîtuahake ye se Bible ekpepde, ndien owo ekeme ndimek usọbọ emi enye amade. Enyene ibọk m̀mê usọbọ emi Ntiense kiet ekemede ndinyịme ẹnọ imọ, edi Ntiense efen inyịmeke.​—Galatia 6:5.