Watchtower LIBRARY EKE INTANET
Watchtower
LIBRARY EKE INTANET
Efịk
Ẹ,Ê,Ị,Ọ,Ụ,Û,N̄
  • Ẹ
  • ẹ
  • Ê
  • ê
  • Ị
  • ị
  • Ọ
  • ọ
  • Ụ
  • ụ
  • Û
  • û
  • N̄
  • n̄
  • BIBLE
  • MME N̄WED
  • MBONO ESOP
  • lfb ukpepn̄kpọ 80 p. 188-p. 189 ikp. 1
  • Jesus Emek Owo Duopeba Apostle

Vidio ndomokiet idụhe mi.

Kûyat esịt, n̄kpọ anam vidio emi okûbre.

  • Jesus Emek Owo Duopeba Apostle
  • Kpep N̄kpọ to Mbụk Bible
  • Ukem Ibuot Nneme
  • Jesus Emek Apostle Duopeba
    Jesus Edi Usụn̄ ye Akpanikọ ye Uwem
  • Ndimek Mme Apostle Esie
    Akakan Owo Oro Akanam Odude Uwem
  • Jesus Ọnọ Ukpep ke Obot
    N̄wed Mi eke Mme Mbụk Bible
  • Mbon Oro Ẹkekabarede Ẹdi Mme Mbet Jesus
    Kpep N̄kpọ to Akwa Andikpep
Kpep N̄kpọ to Mbụk Bible
lfb ukpepn̄kpọ 80 p. 188-p. 189 ikp. 1
Jesus ye mme apostle esie 12

UKPEPN̄KPỌ 80

Jesus Emek Owo Duopeba Apostle

Enyene akpan n̄kpọ emi akanade Jesus anam ke enye ama ọkọkwọrọ ikọ ke n̄kpọ nte isua kiet ye ubak. Akana enye emek mbon emi ẹdisan̄ade ye enye inam utom kpukpru ini, mbon emi enye edikpepde nte ẹdidade mme anditiene imọ usụn̄ ke esop. Jesus okoyom Jehovah an̄wam enye emek, ntre enye ama ọdọk obot kiet okodu ikpọn̄ ọbọn̄ akam kan̄a ọnọ Jehovah ofụri okoneyo. Ke ini eyo esierede, enye ama okot ndusụk mbet esie onyụn̄ emek owo 12 ke otu mmọ nte mme apostle. Ndi emeti enyịn̄ apostle ndomokiet? Anie ye anie ke eti? Enyịn̄ mmọ edi Peter, Andrew, James, John, Philip, Bartholomew, Thomas, Matthew, James eyen Alphaeus, Thaddaeus, Simon, ye Judas Iscariot.

Andrew, Peter, Philip, James

Andrew, Peter, Philip, James

Owo 12 emi ẹkesisan̄a ye enye kpukpru ini. Enye ama ekpep mmọ ndikwọrọ ikọ, onyụn̄ ọdọn̄ mmọ ẹkekwọrọ ikọ. Jehovah ama ọnọ mmọ odudu ẹbịn demon ẹsion̄o mme owo ke idem ẹnyụn̄ ẹkọk mme owo udọn̄ọ.

John, Matthew, Bartholomew, Thomas

John, Matthew, Bartholomew, Thomas

Jesus ekesikot mmọ mme ufan onyụn̄ enịm ke mmọ ẹyenam se imọ iyomde. Kpa ye oro mme Pharisee ẹkedade mmọ nte mbon emi mîdiọn̄ọke n̄wed mînyụn̄ idịghe n̄kpọ ndomokiet, Jesus ama ekpep mmọ nte mmọ ẹdinamde utom mmọ. Mmọ ẹyedu ye Jesus ke ini enye enen̄erede oyom mmọ, utọ nte ke ini ẹkeyomde ndiwot enye ye ke enye ama ekeset. Ediwak mmọ ẹketo Galilee ukem nte Jesus. Ndusụk mmọ ẹma ẹdọ n̄wan.

James eyen Alphaeus, Judas Iscariot, Thaddaeus, Simon

James eyen Alphaeus, Judas Iscariot, Thaddaeus, Simon

Mme apostle ẹma ẹsinam ndudue. Ndusụk ini mmọ ẹma ẹsinana ime, ẹtịn̄ se mîkpetịn̄ke, ẹnam se mîkpanamke, ẹnyụn̄ ẹfan̄a ke otu idemmọ m̀mê anie ikpon itie ikan. Edi mmọ ẹkedi nti owo, ẹma ẹnyụn̄ ẹma Jehovah. Mmọ ke Jesus akada ọtọn̄ọ esop Christian onyụn̄ ọnọ akpan utom ẹnam ke ini enye afiakde ọnyọn̄ heaven.

“N̄kot mbufo mme ufan, koro kpukpru n̄kpọ oro n̄kopde nto Ete mi mmanam mbufo ẹfiọk.”—John 15:15

Mbụme: Siak enyịn̄ owo 12 emi Jesus ekemekde apostle. Nso ke Jesus ọkọdọn̄ mme apostle esie?

Matthew 10:1-10; Mark 3:13-19; 10:35-40; Luke 6:12-16; John 15:15; 20:24, 25; Utom 2:7; 4:13; 1 Corinth 9:5; Ephesus 2:20-22

    Mme N̄wed Ikọ Efịk (1982-2025)
    Wọrọ
    Dụk
    • Efịk
    • Share
    • Mek nte amade
    • Copyright © 2025 Watch Tower Bible and Tract Society of Pennsylvania
    • Nte Ẹkpedade Ikpehe Intanet Emi Ẹnam N̄kpọ
    • Ediomi
    • Privacy Settings
    • JW.ORG
    • Dụk
    Share