Ukpepn̄kpọ N̄wedesop Enyene Ufọn
1 Edidụk Ukpepn̄kpọ N̄wedesop eke urua ke urua ofụri ini enen̄ede enyene ufọn ọnọ kpukpru ikọt Jehovah, edide mmọ ẹdi mme asuanetop Obio Ubọn̄ oro ẹma ẹkenam utom ke anyanini, m̀mê mbon oro ẹdide ẹdikpep ẹban̄a usụn̄ akpanikọ ke ndondo emi. Ke ata ediwak idaha (Ukpepn̄kpọ N̄wedesop esidu ekpere ufọk mbon oro ẹsidụkde, anamde ẹkûsan̄a anyan isan̄ onyụn̄ anamde otịm efere mbon oro ẹdụkde ke idem. N̄ko-n̄ko ada ukpepn̄kpọ ekeme ndinen̄ede nnọ ntịn̄enyịn ke udọn̄ n̄kpọ eke spirit kpukpru owo oro ẹbuanade ke otu oro. Ke ata ediwak idaha ẹsinịm ukpepn̄kpọ emi ke ufọk owo, ndien emi esisụn̄ọ ke edinyene n̄kpet n̄kpet itie ebuana ye idaha oro otịmde etie ufan ufan.
2 Man ẹbọ n̄kponn̄kan ufọn ẹto Ukpepn̄kpọ N̄wedesop, akpan n̄kpọ ndisidụk kpukpru ini. Ẹsinịm ediwak Ukpepn̄kpọ N̄wedesop ke mbubịteyo Tuesday, ndien emi edi se ẹtorode ke ebiet oro odotde onyụn̄ eferede owo ke idem. Ẹkpenyene ndisịn udọn̄ nnọ edibem iso ntịm idem. Ọfọn owo kiet kiet oro odụkde enyene eke esie ọkpọkpọ n̄wed ukpepn̄kpọ oro ẹkamade.
3 Ke ẹkpep n̄wed Ata-Utịt Ediyarade ke Ukpepn̄kpọ N̄wedesop idahaemi ndien enye edikụre ke urua eke November 27, 1995. Ada ukpepn̄kpọ ye mme andibuana ndibem iso ntịm idem iditreke ndida uwak edidiọn̄ ndi. Eyịghe idụhe nte ke afo eyekụt n̄wed emi nte enyenede akamba ufọn.