Nnyịn Isisan̄a Didie Ikop Se Abasi Etịn̄de?

Abasi ada Bible etịn̄ ikọ ọnọ nnyịn. 2 Timothy 3:16

Ata Abasi ama eteme mme owo ẹwet ekikere esie ẹsịn ke edisana n̄wed kiet. N̄wed oro edi Bible. Enye ọdọn̄ọ mme akpan n̄kpọ oro Abasi oyomde fi ọfiọk.

Abasi ọfiọk se ifọnde ye nnyịn, enye onyụn̄ edi owo emi ekemede ndinọ nnyịn ata ọniọn̄. Edieke okopde uyo esie, eyenyene ata ọniọn̄.—Mme N̄ke 1:5.

Abasi oyom kpukpru owo ke isọn̄ ẹkot Bible. Enye odu idahaemi ke ediwak usem.

Edieke oyomde ndikop se Abasi etịn̄de, ana okot Bible, onyụn̄ ana se okotde an̄wan̄a fi.

Mme owo ke kpukpru ebiet ke ẹkop se Abasi etịn̄de. Matthew 28:19

Mme Ntiense Jehovah ẹkeme ndin̄wam fi ọfiọk Bible.

Mmọ ẹkpep mme owo akpanikọ ẹban̄a Abasi ke ofụri isọn̄.

Ukpepn̄kpọ emi edi ke mfọn. Emekeme n̄ko ndikpep n̄kpọ mban̄a Abasi ke Ufọkmbono Obio Ubọn̄ Mme Ntiense Jehovah ke edem mbufo.