Ndusụk N̄wed Emi Ẹsiakde ke N̄wed Mbono Esop Uwem ye Utom Nnyịn
JULY 4-10
MME AKPAN N̄KPỌ KE IKỌ ABASI | PSALM 60-68
it-2 668 ¶2
Akam
Mbon Emi Abasi Esikopde Akam Mmọ. Jehovah Abasi edi “Andikop akam,” ntre owo ekededi ẹkeme ndibọn̄ akam nnọ enye. (Ps 65:2; Ut 15:17) Idem ke ini nditọ Israel ẹkedide “ọkpọkpọ inyene” Jehovah, kpa n̄kukụre idụt emi enye okodụkde ediomi, Jehovah Abasi ekesisụk okokop akam mbon idụt en̄wen emi ẹkediọn̄ọde ke Israel ẹdi ikọt esie, ẹnyụn̄ ẹdiọn̄ọde ke enye oyom ẹsika ẹkewa uwa ẹnọ imọ ke Jerusalem. (De 9:29; 2Ch 6:32, 33; men Isa 19:22 domo.) Edi ke Christ ama akakpa, Jehovah ekedida kpukpru idụt ukem ukem. (Eph 2:11-16) Ke ini Peter akakade ufọk Cornelius emi ekedide owo Gentile, Peter ama okụt ke “Abasi inamke asari, edi ke kpukpru idụt enye enyenyịme owo eke abakde enye onyụn̄ anamde edinen ido.” (Ut 10:34, 35) Abasi ekese esịt owo ye se inamde owo anam n̄kpọ, idịghe ebiet emi owo otode. (Ps 119:145; Ese 3:41) Mbon oro ẹkenịmde mme ewụhọ Abasi ẹnyụn̄ ẹnamde “se inemde enye esịt” ẹma ẹdiọn̄ọ ke enye oyokop akam mmimọ.—1Jo 3:22; Ps 10:17; N̄k 15:8; 1Pe 3:12.
JULY 18-24
it-1 1160 ¶7
Nsụhọdeidem
Akpana kpukpru owo, irenowo ye iban, ẹsụk ibuot ẹnọ mbon emi ẹdade usụn̄ ke esop, ẹnyụn̄ ẹsụhọde idem ẹbet Abasi emek owo ekededi n̄kpọ m̀mê ọnọ owo ekededi utom ke esop esie. (Ps 75:6, 7) Akpana iti ikọ ndusụk nditọ Korah emi: “Ami mmemek ndida ke asan̄udọk ke ufọk Abasi mi akan ndisan̄a n̄kanade mme tent idiọkido.” (Ps 84:10) Ata nsụhọdeidem ekedi oro! Owo isidaha usen kiet isụhọde idem ntre. N̄wed Abasi etịn̄ se owo akpanamde man odot ndidi ebiowo, onyụn̄ ọdọhọ ke owo ikpemekke owo emi odụkde esop obufa “mbak enye edikohode idem ndien ọduọ odụk ubiomikpe oro ẹbiomde Devil.”—1Ti 3:6.